Mizoram sorkar leh HPC (D)-te'n April 2-ah inremna an ziak dawnMarch 29, Ningania Assembly session-ah chief minister Lal Thanhawla chuan, Mizoram sorkar leh HPC(D)-te'n April 2, 2018-ah inremna thuthlung an ziah tur thu a sawi a; Tripura-a Bru refugee camp-a an hotute'n chhawmdawlna sumte sumdawnna atana an hman ṭhin avangin, Bru-te Mizorama an kîr an phal loh thu House a hrilh.

A department-te demand sawihona a khaikhawmnaah Chief Minister chuan, Mizoram sorkar leh HPC-(D) ten inremna April 2-ah an ziah tur thu sawiin, "Inremna hi Easter Monday-ah ngei ziah ni se kan duh a ni. Mizoram sorkar aiawh chuan inremnaah hian Chief Secretary-in hming a ziak ang. Inremnaah hian sàwm âwm deuha ngaihte sâwm a ni dawn," a ti.

Tuivawl bialtu MLA RL Pianmawia pawhin, Mizoram sorkar leh HPC(D) inremna angin Sinlung Hills Development Council (SHDC) á¹­hiatin thuneihna sang zawk council din a nih dawn thu a sawi.

RL Pianmawia chuan, inremna angin GAD hnuaia awm SHDC aiah a hranpaa budget nei tur Sinlung Hills Council din a nih dawn thu a sawi a, "Budget hran nei council a pian dawn tâk avang hian hmasawnna lamah hmar lamin hma a sawn ngei ang," a ti.

Mizoram sorkar leh HPC(D) inremna hi April 2-ah ziah a ni ang a, HPC(D)-te'n an ralthuam an tun hun tur chu á¹­um dangah a ni dawn a, a hmun atan CTI, Sesawng ruahman a nia thu dawn a ni.-Vanglaini

Post a Comment

Powered by Blogger.