INDIA HMARCHHAK STATE AH BJP SAWRKAR A LIAN ZEL - TIMES OF MIZORAM

Home Top Ad

Post Top Ad

INDIA HMARCHHAK STATE AH BJP SAWRKAR A LIAN ZEL

ASSEMBLY ELECTIONS RESULTS

ASSEMBLY ELECTIONS RESULTSHmar chhak state 3 - Tripura, Meghalaya leh Nagaland Assembly inthlanpui result hriat kim a ni tawh a, Tripura leh Nagaland-ah BJP kaihhruai sorkar a ding dawn a, Meghalaya-ah erawh chuan sorkarna siam thei khawpa chak eng party mah an awm lo a ni.

Puan tawh angin, seat 60 theuh awmna heng state 3-ah hian seat 59-ah theuh vote thlak a ni a, Tripura-ah chuan BJP leh a thawhpui, Indigenous People’s Front of Tripura-ten seat 43 la-in hneh takin an tling a, kum 20 chhung sorkar tawh, CPI-M kaihhruai Left Front-in seat 16 changin BJP lakah seat 33 an hloh a, kum 2013 Assembly inthlanpuia seat 10 changtu Cong chuan tun tumah hian seat khat mah an chang lo a ni.

Left Party hruaitu, Chief Minister Manik  Sarkar-a chu Dhanpur bialah thlan tlin a ni a, Banamalipur seat-ah BJP state unit President Biplab Kumar Deb a tling a, State PWD Minister, CPIM candidate Badal Choudury-a chu Hrishyamukh bialah thlan tlin a ni.

Nagaland-ah BJP leh a thawhpui, NDPP-ten seat 31 changin a vawikhatna atan BJP kaihhruai sorkar a ding dawn a, Nagaland Peoples Front (NPF)-in bial 27 la-in Cong-in seat khat mah an la lo a ni. Puan tawh angin NDPP hruaitu, Neiphiu Rio-a chu Northern Angami-II bialah chuh lova tlingah puan a lo ni tawh a ni. Chief Minister ni lai, NPF candidate, Chief Minister T R Zeliang-a chuan Peren bial a hum zui a, amah hnaih berty NDPP candidate Iheri Ndang chu vote sang 5 chuangin a hneh a ni.

Meghalaya erawh chuan Cong-in seat la hnem berin seat 21 an la a, National Peoples’ Party (NPP)-in dawtin seat 19 an chang a, BJP-in bial 2 an chang bawk. Cong. candidate, Chief Minister, Mukul Sangma chu a dinna bial, Ampati leh Songsak-ah a tling ve ve a, South Tura seat-ah NPP candidate, Agatha K. Sangma-in amah hnaih bertu BJP candidate B.A Sangma a hneh a ni. State Home Minister ni lai, HDR Lyngdoh-a chu Sohiong bial-ah a tling zo lova, HSPDP candidate Samlin Malngiang-a’n vote 622-in a hneh a ni.

(Newsonair Aizawl)

No comments:

Post a Comment

Post Bottom Ad