March ni 8-9, 2018-a Lawngtlai District Sentetfiang khuaa Chokhlei Kut (Rhododendron Festival) hman tur atana inbuatsaihna hrang hrang chu vawiin khan Lawngtlai DC Conference Hall-ah Lawngtlai Bawrhsap Dr Arun T., IAS hovin thlir ho a ni.

Lungzarhtuma sele thlalak leh Phawngpui tlang leh nungchate thlalak entirsiak (photo exhibition) leh Kut laia Phawngpui tlang tlawh theih dan tur chu Chhimtuipui Wildlife Division te’n an ruahman ang a; rock concert chu CYLA-in MZI te nen buaipuiin, hunbi indawta hnam thuam lo danglam chhoh dan entir turin LWA lam beisei an ni bawk. Chokhlei King & Queen thlan chu Lawngtlai Photographers’ Association (LPA) kutah a awm dawn a, anni hi official photographer atan ruat nghal an ni.-DIPR
Post a Comment