Aadhaar thlunzawm theih hun pawtsei mai thei
Sorkar laipui chuan bank account, mobile phone leh service dangte nena Aadhaar number thlunzawm tura March 31 thleng hun a bithliah chu pawhsei leh theih niin a sawi.
Thawhlehni khan Supreme Court hnenah sorkar Aadhaar thlunzawm tur hun pawtsei tur hian a inhawng tih a sawi a, a hma pawhin hun tiam hi an lo pawtsei tawh a, an tih leh theih tur thu a sawi. A ṭul a nih chuan an pawtsei leh mai dawn niin attorney general KK Venugopal chuan a sawi.
Venugopal chuan petition thehluttuten deadline pawhsei tura an phut avangin sorkarin a ngaihtuah dawn tih a sawi. Mahse hemi chungchang hi sorkarin hun a lo tiam tawh, March 31 hma chuan ngaihtuah a ni dawn lo niin a sawi bawk.
Hetih lai hian petition thehluttute lawyer zinga pakhat, senior counsel Shyam Divan chuan bench hnenah hian March 31 hi a hnaih tawh vangin ngaihtuah rang turin sorkar a ngen thung.
State of Aadhaar Report 2016-17 in a tarlan danin, kum 2017, March thla thleng khan ramchhungah Aadhaar card nei mi tluklehdingawn 1.14 an awm tawh a, hei hi ram mipui zinga 85% an tling a ni.
Post a Comment