Miss Mizoram 2018 Sub-title Winner

Miss Mizoram 2018 Sub-title Winner

Miss Mizoram thlanna neih chhung hian contectant ten kawng hrang hrangin intihsiak an hmachhawn a, sub-title pawh 10 sem chhuah a ni. Grand Finale zan pawh hian sub-title sem leh a ni a, Miss atana thlan tak C. Ramthanmawii chu Best Gown atan thlan a ni. Thahthani Gown hak hi designer Sangbawihi kutchhuak a ni a, fashion lama chinchang hre ve vak lo tan pawh mawi tih loh rual a ni lo. Beauty with a Purpose atan Thanthani hi thlan a ni bawk. Thanthani hian sub-title pahnih a la a ni. Best Ramp Walk atan KC Lalhmunsiami thlan a ni a, Miss Multi-media chu Lily Lalremkimi Darnei a ni. Lily hi Miss contest chhung zawnga lar ber pawl a ni a, social media lamah pawh a lar hle.  Miss Personality atan Josephine Lalnunfeli (Jojo-i) chu thlan a ni. 

ITI veng nula C. Lallawmzuali chuan sub-title pahnih a hum haw bawk a, Miss Photogenic leh Miss Talented atan thlan a ni. Miss Congeniality atan Emalie B.Lalchhanchhuai chu thlan niin, Miss Active chu Lalnunnemi chu a ni. Laldintluangi chu Miss Photogenic atan thlan a ni bawk. 

Miss Mizoram 2018 Sub-title Winner

* Best Gown - C. Ramthanmawii

* Beauty with a Purpose - C. Ramthanmawii

* Miss Talented - C. Lallawmzuali

* Miss Photogenic - C. Lallawmzuali

* Best Ramp Walk - KC Lalhmunsiami

* Miss Multi-media - Lily Lalremkimi Darnei

* Miss Personality - Josephine Lalnunfeli 

* Miss Congeniality - Emalie B.Lalchhanchhuai 

* Miss Active  - Lalnunnemi

* Miss Photogenic - Laldintluangi

Thanthani chhanna chu... 

Miss Mizoram 2018 crown khumtu Thanthani hian judge zinga mi Charlie Mathlena zawhna, "Kum khat chauh dam dawn ta la, Mizo ṭhalaite tana i tih ngei ngei tur thil pathum enge ni ang?" tih a zawh chu he tiang hian a chhang : 

* "A hmasa bera ka tih tur chu- kan rama lui leh nungcha mawi tak takte hi an hlu em em a, humhalh turin theihtawp ka chhuah ang" tiin a chhang. Thanthani hian project an neihah pawh lui tui humhalh a pawimawi zai zirtirtirna a siam. 

* "Mizo ṭhalai zingah ruihlo vanga nunna chan an tam em em a, hei hi a pawi tak zet a ni. Ka ṭhalaipui ruihhlo ngaite chhanchhuak tur hian teihtawpin ruih hlo do kawngah hma ka la ang".

*  A tawp berah chuan, "Kum khat chauh dam dawn ila chuan Kristian ram kan nih ang ngeiin, ka ṭhalaipui leh midangte hneah Pathianthu a tam thei ang ber ka hrilh ang" tiin a sawi.  A chhanna vang hian mipui lam thawm a ring hle a, a mah pawh a inring tawk tih a chiang hle. -Vanglaini