PRISM Leh Mizoram Budget 2018-2019 - TIMES OF MIZORAM

Breaking

Home Top Ad

Post Top Ad

PRISM Leh Mizoram Budget 2018-2019

PRISM Leh Mizoram Budget 2018-2019PRISM party chuan Mizoram Budget 2018-2019 Finance Minister Pu Lalsawta'n a pharh tak chu ram hmawsan tumna lam aiin vote zawnna budget ni zawka an ngaih thu leh miipui mamawh phuhruk tumna budget nipha lova an ngaih thu an thuchhuahah an sawi.

PRISM tarlan danin, sorkar chuan zu nasa zawka zawrh an tum ngei nia hriain nikum aiin zu chhiah hmuh hnem an tum a, chutihlaiin zu khuahkhirh kawngah an inthlahdah dawn nia ngaih theihin Excise and Narcotics-ah nikum aiin pawisa an dah tlem tih an sawi a. Chhiah tam zawk khawn tum niawm taka an lan laiin chhiah khawntu ber Taxation Department chu nikum aiin pawisa pek tlem an ni a. Mipui hriselna leh hri danna lama inthlahdah an tum nia ngaih theihin Health Department chu nikum aiin pawisa pek tlem an ni a. Ranvulh hriselna leh hri dannaah pawh an inthlahdah dawn nia ngaih theihin AH&Vety Department pawh pawisa pek tlem an ni an ti.


Thingtlang hmasawnna lama hnathawktu RD Department pawh ngaihthah belhin pawisa pek tlem a ni a. Electric bill nasa taka tihpun anih dawn laiin a thawktu Power & Electricity Dept chu pawisa pek tlem an ni a. NEDP leh NLUP hmanga hna thar siam nasat an tum thu an sawi laiin helam buaipuitu tur Co-operation te, Commerce and Industries te, leh Labour, Employment, Skill Development and Entrepreneurship Department te pawisa tlem zawk pek an ni. Kawngchhia vanga mipui tap thawmin sorkar rilru a khawih loh zia tilang chiang em emin PWD chu nikum aiin sum pek tlem a nih thu an sawi bawk.

PRISM chuan milian ho nawmchenna belhchhah an tum ni ngei turin Legislative Assembly te, GAD leh SAD te chuan sum an ngah belh nasa a. Thalai vote zawn nasat tumin Sports budget phei chu a let deuh thawa tihpun a ni an ti a. A kilkhawr lamah vote zawn an tum nasa tih hriat rengin District Council te pawh sum pek tam nasat an ni a. Hetihlai hian mipui phurrit belhchhah turin sum puk belh nasat tum a ni bawk an ti. Kum tawpa leiba tur chu Vbc 7887.04 lai niin an sawi bawk a. He budget thar hi sorkarin mipui tana hna thawh a tumna aiin ruling party in insawhnghehnan leh vote zawn nana hman atana an siam ni hial zawka a lan thu an sawi a ni. -AIR Aizawl

No comments:

Post a Comment

Post Bottom Ad