OFFICE OF THE
MIZORAM PRADESH YOUTH CONGRESS COMMITTEE
HQRS., AIZAWL: MIZORAM
No.MPYCC/Mz-K/2017-18/PR-17
Dated Aizawl the 23rd March, 2018
PRESS RELEASE
MNF MLA LALRUATKIMA'N HOUSE-AH THUDIK LO A SAWI
Mizoram Legislative Assembly House-ah Dt.22/03/2018 khan MNF MLA Pu Lalruatkima'n Environment Forest and Climate Change Department changtu zawhna zawtin silai tun tawhte chu a bo nasain 'a awm lo' tiin a sawi a. Pu Lalruatkima hian House-ah hian DCF (Wildlife) Aizawl Division-a silai tunte chu a hmunah enin a awm loh thu a sawi bakah Dt. 23/03/2018 Vanglaini chanchinbu headline-ah Pu Lalruatkima hian silai tun hi sawm (10) chauh a awm tih House-ah a sawi thu ziak a ni bawk.
DCF (Wildlife) Aizawl Division, Congress Thalai leh Chanchinthar lakhawmtute'n kan en hian a thawktute chuan Pu Lalruatkima hi Dt.22/03/2018 chawhma lamah an Office-ah a kal ngei tih an sawia mahse chabi kawltu a awm remchan loh avangin silai dahna strong room hi an hawn sak lova silai hi a en lo a ni tih an sawi.
DCF (Wildlife) Aizawl Division thawktute hian kum 2012 khan Pu James Dokhuma silai tun bawma an tar (display) chu a bo tih an hriat chauh thu an sawi a, silai bo thei a ni tih an hriat atangin strong room an siam taa vawiin thlengin a bo leh tawh ngai lo a ni tih an sawi.
Hetianga kan ram rorelna sang ber Assembly House meuha MLA Pu Lalruatkima'n mipui hriata dawt a sawi hi demawm kan ti a. House-ah ngei silai tun hi en anga a insawia a lo en si lote hian ram rorelna sanga thu tlak a ni tawh lo tih a tichiang a ni.
Silai tun tawh zawng zawng 248 te a kim leh kim loh hi Pu Lalruatkima hian Division hrang hrangah a en lo a. En anga a insawina DCF (Wildlife) Aizawl Division ngei pawh Strong room a en lo tih hi mipuiin hria se kan duh a ni.
Sd/-
(ZOHMINGTHANGA TLAU)
Gen. Secretary
MPYCC
Post a Comment