CADC INTHLAN CHHUNGA CANDIDATE-TE LIRTHEI HMAN DAN TUR SEC IN HRIATTIRNA A CHHUAH
Mizoram State Election Commission chuan Chakma Autonomous District Council a inthlanna neih mai tur chungchangah a hnuai ami ang hian Candidate-te leh anmahni tawiawmtute leh party hruaituten CADC huamchhunga lirthei an hman dan tur thuchhuah a siam:
1) Inthlanna atana lirthei hman reng reng chu vawi khatah pathum aia tam covoy a inzui phal a nilo. Convoy lian deuh a awm a nih pawhin lirthei pathum zelin then tur a ni a, heng convoy then darh te hi an inkarah metre 200 tal a awm tur a ni. Central emaw State Minister phur an awm pawhin security lam atanga thupek a awm a nih loh chuan motor pathum bak a ruala inzui phal a ni chuanglo ang.
2) A chunga sawi anga convoy pakhata lirthei pathum aia tam inzui an awm a nih chuan chung lirthei te chu inthlanna neih zawh a nih hma chu District administration lamin hman a phallo thei ang.
3) Section 77 (1) of R.P. Act, 1951 hnuaia exemption nei Political leader-te chu a chunga ami khian a huam ve lo ang. Heng mite hian District Election Officer in permit ‘rawng sen’ (red colour) a pek chu langsar takin an lirthei windshield-ah an tar tur a ni.
4) Commission thupek hi bawhchhiat a nih loh nan inthlan puan a nih atanga zawhfel a nih thlengin District Administration chuan candidate-te leh anmahni tawiawmtute leh party hruaitute chevel chu a thli thlai reng ang.
Chakma Autonomous District Council Election 2018
5) Contesting candidate-te hian inthlan hun chhunga an lirthei hman turte chu District Election Officer hnenah number leh tul dangte an thehlut vek a ni ang a, DEO chuan heng lirtheite hi hman phalna special authorization a pe ang. Heng bak lirthei dang hman a tul dawn a nih chuan candidate-te emaw an agent ten DEO ah hriattirna an thlen hmasa phawt zel tur a ni.
6) DEO chuan heng lirthei details hi Election Oberver hnenah a hriattir tur a ni a. Campaign na atan lirthei register ve loh, campaign na atana hman a lo awm a nih chuan Indian Penal Code hnuaia Chapter IX A in a sawi angin chung phalna neilo lirthei chu campaign na atan hman khap a ni ang.-DIPR
Post a Comment