MYC CHAIRMAN IN MIZO GENERAL KNOWLEDGE BU TLANGZARH

Pu Joseph Lalhimpuia, Chairman, Mizoram Youth Commission chuan vawiin khan Aizawl Press Club ah lehkhabu 'Mizo Genreral Knowledge' tih R. Lalhmangaihsanga ziak a tlangzarh.

Pu Joseph Lalhimpuia chuan kan thalaite natna, an hun hman dan leh an rilru senna te ngaihtuah hian Zoram dinhmun hi a ngaihtuahawm hle a, rual u zawkte hian heng dinhmun siamtha tur hian mawhphurhna kan nei a ni a ti a. Mizoram Youth Commission (MYC) in cash ncentive award scheme a kalpui mek tih tarlangin, UPSC leh MPSC a inziak tlingte leh University Gold Medalist te tan a ni a ti.

Chairman chuan thangtharte hian thil tak tak hriatna kan tlachham ta hle nia a hriat thu sawiin, tunlai khawvela hriatna lama kan intlansiak lai hian hriatna tam zawka kan inthuam theihnana he lehkhabu rawn chhawpchhuah a ni chu a lawmawm tak meuh a ni a ti.

Lehkhabu tlangzarh inkhawm hi Pu Zairemmawia Renthlei, Asst Professor, IASE in kaihruaiin, lehkhabu thlirlawkna Pu C.Lalhriatpuia, Editor, Hillgate in a nei bawk a ni.-DIPR

Post a comment

Powered by Blogger.