Dr.C. Malsawmkima, Khuangleng khua chu India rama medical doctor-te zirna sang, Doctorate of Medicine (super-specialist) zir turin a inziak tling. Mamit District Hospital-a Medical officer-a awm mek Dr. Sawma hi All India Institutes of Medical Sciences (AIIMS) hnuaia DM Nephrology entrance exam-ah general quota-in a inziak tling a ni.
Dr. Sawma hi MBBS a zir dawn khan Mizoram State Technical Entrance Examination 2006-ah Medical line-ah pakhatna a ni a, All India Post Graduate/Specialist Entrance Test-ah vawi ruk zet a lo inziak tling tawh bawk. PG (Medicine) a zir a, a zawh hnu hian Medicine department-ah Senior Resident turin a inziak tling leh bawk a ni.
Hriat theih chinah Mizo zingah medical lama zirna sang super specialist zir chhuak tawh mi pasarih an awm a, zir mek pawh an awm bawk.-VANGLAINI
Post a Comment