Former Legislature Association of Mizoram (FLAM)
MLA hluite intêl khawmna pawl, Former Legislature Association of Mizoram (FLAM) chuan nimin khan Aijal Club-ah General Body Meeting an nei a; ram leh hnam a him leh zual theih nan nasa leh zuala hmalak an rel.
FLAM meeting kaihruaitu an president KL Rochama chuan, FLAM chu an member-te zahawmna humhimna ngaihtuahsak tura din a nih thu a sawi a; sorkar kaihza venga ram venhimna leh hmasawnna hna thawhnaah val upa chan changa thawk tur leh, ram leh hnam inpumkhatna hna thawhnaah sorkar finchhuah turin member-te a chah.
Kumin MLA inthlan lo awm tur chu FLAM chuan ngun takin an thlir reng dawn tih sawiin KL Rochama chuan, "Mipui rilru hruai sual thei zirtirna vawrh darh an awm chuan huaisen takin FLAM-in a hmachhawn zel dawn. Ram leh hnam tana pawimawh tura mithiamte leh college zirlaite nena sawihona hun FLAM-in a buatsaih leh politics siam thar lehna seminar a buatsaiha bakah, lehkhabu an siamte chuan mipui rilruah thui takin thu a sawi ni," a ti.
FLAM meeting chuan, tunlaia Mizoramin a buaipui mek, ramri him lo chung chang an sawiho a; politics party dah-
ṭhaa kan ram leh hnam a him zel theih nan leh ṭhangtharte Mizoramah chu him leh thlamuang taka an chen zel theihna turin an phak tawka hmalak zel ni se, an ti. Hnam kaihhnawih thil pawimawh bik leh hmasawn ngaihna ṭul bikahte chuan mithiam leh zirlaite tan seminar leh symposium a ṭul anga buatsaih zel ṭhin an rel bawk.-Vanglaini
Post a Comment