Hmar People’s Conference (Democratic) mi 114, nunphung pangngaia lokirte chu April 13, 2018-a CTI, Sesawnga lawm luh an nih hnuah an inbenbelna tur cheng nuai 3 theuh pek an ni a, an duhna hmuna khawsa turin CTI atangin chhuahtir leh tawh an ni.

HPC(D) LEH MIZORAM SAWRKAR INREMNA 2018Thu dawn danin HPC(D) mi, ralthuam daha nunphung pangngaia lette hi inremna thuthlunga tarlan angin, an inbenbelna tur sum pek an ni a; chu bakah chuan, an ralthuam dah hlut zawng sorkar rate anga chhûtin lawmman pek an ni. Sorkar atanga an thil phût an nawr laia pawi khawihna chi hrang hrang vanga man, tanina tàntirte chu an tàn chhung hun tihtawisak an ni a; thubuai neite pawh an thubuai tihtawpsak tur a ni bawk. 

HPC(D) mi, an ralthuam nena nunphung pangngaia lette hi Council member mi 12 leh ralthuam keng mi 102 an ni a, an vaiin mi 114 an ni. -AIR Aizawl

Post a comment

Powered by Blogger.