David Sailo

1. CONGRESS -
TUNLAI POLITICAL PARTY THLIRNA - MIZORAM POLITICSThingtlang leh khawpui Politician an inpel suau suau a, a lubawk chinte chu an la hlauthawng lo hle a, heng ho ti hlauthawng lo tur tak hian a engemaw chin te chuan an dinhmun țhat zia an tlangaupui mek bawk. A dinhmun sang chelh chin a piangah Sorkar siam leh an inrinna leh tlak mai an inrinna a inzat reng tawh.

Contract hna diltute chuan "Kan Sorkar tawh kher lo mai thei a tun țum tal chu" an ti ngai lova a mawi zawngin "Tun Term tawp hma ngei hian" an ti hram hram a, țawng sual awl hun lai tak a ni. NEDP awmze hre lo leh NLUP kalpui dan hre lo chu a tam zawk an ni a, 3rd Phase, 4th Phase tihte hi a awmzia an hre tak tak lo.

Thingtlang lamin mimal thil an ngen huai tan a, a bikin Block President te vawk lal len hun lai a ni. Sorkar mualphona leh hmingchhiatna chu an sawi meuh lova, Opposition te that lohna in an in awmtlei thin. Țhahnemngai inti tak hna hmu ngai lote a langin an vui ngam tawh a, a hruaitu lawk lamah in lungrual lohna a awm tih hairual a ni lova, Bhavan a ťhu hote pawl pawlin an awm ru tan a, Block leh MLA Bial a nghawng tan mek bawk. State dang inthlannaa Congress tla thawm an hriat hian an ngui ve rawih a, mahse an ti lang duh miah lova, zam lo hmel takin an țawngin an lang chhuak thin.

MLA ni lai ten an bial chhunga Party hruaitu hmuh hreh bik an nei tan a, inthlan te han zo se Sorkar tharah chuan tiin a hnem lungawi dan an ngaihtuah nasa hle bawk. Kan țan viau loh chuan kan dinhmun a chhe khawp mai ti a thudik sawi te aiin mawlmang taka keini lo Sorkar tur an awm lo kan bialah ti pung pungte chuan lawm an hlawh a, engemaw ti takin an hruaitute an thlamuan ve suai suai thin. Thalai/Dept/Cell tih vela an President/Chairman te chu kum upa zawk MLA te paihthlaa MLA a an din theih nan theih tawp an chhuah mek a, boruak a sang ru hle.

2. MIZO NATIONAL FRONT -
Inthlan a hnai a, Congress tlak rin vanga phur thar an tam a, an lun ve tan hle. State danga Congress tla thawm hian a ti phur ve em em ringawt a, an ni pawh hi SEDP awmze hre lo a tam zawk an ni. Chhiarchhuak dap a zir peih phei chu tlemte an ni ang. Congress chet chhiat deuh hian a hruaitu lawk chin chuan Keini chuan kan Sorkar hun chuan...an han ti nghal chat ringawt zel a, Media chak lutuk tawh khawvel ah hian an Sorkar a nih pawhin an thusawi hian țhin let hun a la nei ngei ang.

Party Worker an taima lova, thil chikmi leh remhria an tlachham hle. Ruhro buaipui pawl leh rambuai hre pha lo thangthar tam tak te Rambuai Nationalism hmanga awih lunglen tum pawl an awm a, tu thenga thawngah mah hetiang hi a tlana tawh love. Hruaitu bawrah lang chhuak khawpa inrem lo leh in ngeih lo hriattur a awm lo hlauh. Opposition Party ni siin an tihtur an hre lo hle a, an ni ai chuan NGO leh Zirlai pawl ten Ruling an bei zing mah zawk awm e. Mi hnukhawiah thuchhuah an siam ve ulh ulh thin.

Kum 10 liamtaa a hruaitu lawk mi ngai an la tam hle a, țhangthar viaktha leh taima a hmatawngah an dah meuh lo. Congress aia Development hna thawh tum aiin Congress in Nuaikhat an sem theih chuan Nuai 3 i sem ang u tih rilru an pu mah mah zawk. Hruaitu kâwmte Politics sukthlek hi a hmanlai lek lek tawh a, lukhum parh khum chinte tuipui Politics ah an chenga, thangtharte tan an Nationalism kalpui dan hi a tlangnel theih meuh loh a ni ber. Kan insiamțha tawh ang, kan Sorkar hmasak kha Training na hun a ni an ti chamchi a, an insiamthatna tak leh an Training chhuah tâk tak chu an puangzar lem lova. Hruaitu ten lungruala Campaign thumum ken an nei lova, an thusawi a in kalh leh thin.

3. ZORAM PEOPLES MOVEMENT -
Movement an tum ang he hu chuan a thli a tleh hlei thei lo. Mi rin nih an tum lutuk na lamah an intheh dere tan a, mipuiten zui/rin an duh a, chik tlakin an awm lo thung. Party Office ah chuan ZNP lamin thu an sawiin ZNP an intawiawm tha viau a, chutiangin MPC pawh. Pawl 4 vel lai thawk ho, kei ka ni inti țhiau, hmingchhiatna neilo inti, midang aia tlak tlai viau leh kut bal ve hlek lo a in ngaite awm khawm an ni a, Party pahnih lek pawh Term khat chhung tak ngial pawh la thawk tluan thei lo Mizoram Politics ah hian rin chu an la har deuh.

Chief Minister tur tun thlengin a la hriat loh a, an GS ber chuan mi rin an la hlawh loh zia nemnghetin ZPM a tel Party te chu a mupuiin a la kap ulh ulh mai bawk a.Hetiangin "ZPM a tel Party ten an Party Office kalsana ZPM an ngaihpawimawh hunah mi rin kan hlawh chauh ang" tiin. In thlan kum tawh a mi rin la hlawh tlat loh chu tlin a harsa maithei. Sorkar hma pawha thawh hona a that teh chiam loh chuan Sorkar pawh ni se thil huphurhawm tak a ni ngei ang.

Val Upa Council, Steering Committee tih vel hi a hruaitu kawm an ni. An tum anga an kal a nih chuan mipuiten duh taka kan thlan chhuah chu thlan ni ve miah lo Party in a ruat chawp(Val Upa Council) ten an kaihhruaiin an Control dawn tihna a ni thei a, mi rin hlawh an tum lutuk naah hei hian an Mark a ti hniam zawk thei. ZPM a nih hnu a nangni Party an la intih fo chuan thui pawh an kal thei ngut ange maw.

4. BHARTYA JANATA PARTY -
Pung ve deuhin insawi mahse Mizoramah hian engteh ual an ni dawn lo. Modi a ten Central ah thangkhat lian ro an rel a, a bik taka Mizoram an ngai pawinawh bik viau a nih loh chuan. Tlem nak alaiin hmanni lawka an Party Office a insual ngam khawpa an inti buai hmuh phei kha chuan khua an ti var lo hle. Party President hming hi a lar viau a, hruaitu dang mipuiin hmelhriat an nei lo a, Vice President leh an thalai President pawh kan hre lo.

Mizoram hruai an tum dan ka hre hek lova, Central ah an Sorkar a helaiah a awm chhunte an lo pawr ve hle tih zawng hi a ni mai. Chakma tamna ah vanneihthlak taka MLA 2/1 an nei hlauh a nih chuan an vannei hle ang. Chupawh chu thil harsa tak a ni ang. MNF nen hian inthlan hma in thawk dun lo mahse inthlan hnu ah MLA 1 pawh neise MNF nen hian MLA an neih daih phawt chuan Meghalaya ang khuan Sorkarna siam an tum ngei ang.

Kan Sorkar ngei dawn tih lam aiin BJP hi Christian te tan a hlauhawm loh tiin an la tlangau ve leih leih chauh a ni. Tunhma, NDA Term hmasaa Mizorama BJP nih leh BJP Candidate nih kha chu mi nuihzatbur nihna mai a ni a, tunah chuan tlemin a a zahthlak ta loh deuh e tih mai a ni. Party Office ah chuan Isua aiin Modi a ri zing zawk hial maithei.

Heng zingah hian i duh ber i Vote a la ngai dawn...

Post a comment

Powered by Blogger.