LALRINZUALA CHAWNGTHUZiaktu- V. Lalnunthara, E-43, V. Thanga Street, Dawrpui

Pu Lalrinzuala Chawngthu hi Pu C.R Lalzarliana leh Pi Lairopuii Ralte te fa hming koh a ni a, an unau hi panga an ni. Kanghmun, Mamit district-ah kum 1977 May ni 16-ah a piang a. Chhungkuain kum 1995 ah Nursery Veng, Aizawlah an pem. R Lalnunpuii nen 2017-ah an innei. Zirna bul chu Little Flowers School, Bungkawn ah a tan a, Govt. Aizawl College-ah kum 2000 B.A (English Literature) a zo a, MA Rural Development a zir leh mek a ni.

Eizawnna kawng hrang hrang a dap hnu-ah Human Resources & Skill Development Society dinin amah hian a enkawl mek. National Institute of Rural Development (NIRD), Hyderabad leh Tata Institute of Social Science (TISS), Mumbai-ah 'Social Accountability and Social Audit' course zir zoin Mizoram State Resource Person a ni.

Khawtlang rawngbawlna lamah Nursery Veng Branch YMA ah kum 6 chhung O.B niin kum 2012 ah an veng Local Council Member atana thlan a nih vangin a chawl a. CYMA Literature Sub-Committee Vice Chairman leh CYMA Chanchinbu Editorial Board member a ni tawh. Kum 2007 & 2008 khan Nursery Veng Village Council/Court Secretary a ni a. 2012 kumah MNF ticket-in Nursery Veng Local Council member atan thlan tlin niin vote a hmu sang ber a. Kum 2013 ah Local Council Chairman niin hetih lai hian Aizawl khawpui chhunga local council 82-a chairman naupang ber nia hriat a ni. 2015-ah MNF ticket bawkin local council member atan thlan tlin leh niin vote hmu sang ber a ni leh. Kohhran lamah a theihtawpin a inhmang ve a, Nursery Venglai Presbyterian Kohhranah Puitling Sunday School Zirtirtu a ni mek. Nursery Veng Branch KṬP Committee ah kum 2001-2006 chhung a tel bawk.

Local Council Member anih mek laiin ram siamthat nan PRISM a zawm a, hetah hian Secretary General leh Vice President a ni tawh a, tunah hian General Secretary i/c Political Affairs a ni mek. Kum 2018 MLA General Election lo awm turah PRISM chuan Candidate atan a puang a, amah hi thalai viak tha tak leh mi hneh theih na talent tha tak kawl a ni.

Post a comment

Powered by Blogger.