HPC(D) Leh Mizoram Sawrkar Inremna - TIMES OF MIZORAM

Breaking

Home Top Ad

Post Top Ad

HPC(D) Leh Mizoram Sawrkar Inremna

Mizoram sorkar leh HPC (D)-in Inremna thuthlung an ziak

Mizoram sorkar leh Hmar Peoples' Convention (Democratic)-te chuan nimin khan State Guest House-ah inremna thuthlung (memorandum of settlement) an ziak. April 4 leh 5 hian HPC (D) mi leh sa Manipur-a awmte chu Mizoramah hruaikir an ni ang.

HPC(D) Leh Mizoram Sawrkar InremnaInremnaah hian Mizoram sorkar aiawhin chief secretary Arvind Ray leh HPC (D) aiawhin an chairman H Zosangbera-te'n hming an ziak. Mizoram sorkar aiawhin political level-a inbiaknaa Mizoram team leader Lalrinmawia Ralte-in thu a sawi a, HPC (D) aiawha thusawi tura tih H Zosangbera chu a taksa lamah a chak tawh loh avangin a thuziak chu an thupuangtu Lalṭhalien-in a chhiar chhuak.

Lalrinmawia Ralte chuan rem­na a awm theihna atana HPC (D) hotute leh an aiawha inbiaknaa telte thawhrimna fakin, "Remna ziah a nih hnu hian sorkar, HPC (D) leh mipui pawhin tih tur tam tak an nei dawn a ni. Muangchang loin hmanhmawh taka tih a ngai. A ṭulna apianga inpui tawn leh infuihphur tawna thil tih a ngai dawn," a ti.

Buaina chinfel a nih theihna tura remna thuthlung ziah theih a ni chu lawmawm a tih thu sawiin Lalrinmawia Ralte chuan, "Remna a awm theihna atana hmalatu zawng zawng hnenah Mizoram sorkar aiawhin lawmthu ka sawi a ni," a ti a, remna ziah a nih hnuah pawh dawhthei tak leh remna thinlung pu chunga kal a ngaih tur thu a sawi.

Lalrinmawia Ralte chuan HPC (D)-te'n ralthuam an tung tur chu fakin, "Mipui hmangaihna leh ram hmangaihna avanga HPC (D) ten ralthuam an tung hi an fakawm hle. Political level-a mite pawhin an hmalaknate dah ṭha a, an duh ang zawng zawng sorkarin a tihlawhtling vek thei lo chung pawha mipui hmangaihna avanga an thil tih an chawlhsan hi ropui kan ti," a ti.


HPC (D) chairman H Zo­sang­bera chuan thuchah a ziahah HPC (D)-in ṭhangkhat lian dawn lai political movement an neih thu sawiin, "Sorkar, kan nu leh pa dinhmuna dingten remna thuthlung ziak mai thei tur dinhmun min thlenpui ta mai hi ka lawm tak zet," a ti a, suspention of operation leh ground rules a hranpaa awm loa sorkar leh hel pawl inbiakna chu ram dangah hriat tur a van thu a sawi.

H Zosangbera chuan HPC (D) leh Mizoram sorkar lo inbiak tawhte ang ni loin, tun ṭuma inbiakna chu inrintawnna leh in unauna rilrua vawng reng chunga inbia an nih thu sawiin, "Kan harsatna a chinfel dan tur kawng inrem ngei tuma an hmalak dante a fakawm ka ti tak zet. Hetianga boruak ṭha tak hnuaia inremna siam theia kan awm hi a lawmawm takzet," a ti.

August 10, 2016 aṭanga April 2, 2018 inkara ṭum 6 inbiakna an neih chhung zawnga sorkar leh HPC (D) aiawhte dawhtheihna leh inhriatthiam tawnna chhuanawm a tih thu sawiin HPC (D) Chairman chuan, "Inremna thuthlung kan ziah theihna atana kawng engkima min thlawptu mipui, pawl leh kohhran chungah lawmthu ka sawi," a ti a, inremna avanga piang Sinlung Hills Council chu bial chhung mipuite'n an chhawr theihna atan sorkarin hma a lakpui zel a beisei thu a sawi.


Report petu official level-a inbiaknaa Mizoram team leader, Home addl. secretary Lalbiakzama sawi danin, HPC (D) leh Mizoram sorkar hi kum 2010 khan an inbe ṭan a, kum 2016 aṭangin inbiakna chhunzawm leh niin, official level-ah ṭum 5 leh political level-a ṭum hnih inbiak a nih hnuah inremna hi siam theih a ni.

HPC (D) te hian Mizoram sorkar hnenah silai 48 an hlan dawn a, silaite hi AK 47, M16, 9mm pistol etc. a ni. Hei bakah hian inbiak laiin January, 2015-a Zokhawthianga inlambunnaa HPC (D)-te'n Mizoram Police-te silai an lak AK-47 rifle pathum, INSAS rifle pakhat, 9mm glock pistol pakhat leh 9mm browning pistol pathum chu Mizoram sorkar hnenah an lo hlan tawh a ni.

Manipur-a HPC (D) mi leh sate chu April 3-4 ah Mizorama hruai tum an ni a, mahse kawng dinhmun a ṭhat loh avangin March 4-5 ah hruai an ni ang.


Mizoram Sorkar leh HPC (D) inremna thenkhat :


lSinlung Hills Development Council ṭhiatin thuneihna sang zawk nei Sinlung Hills Council (SHC) din a ni ang.

lSHC-ah hian member 14 an awm ang a, 12 chu thlan tur niin, pahnih chu sorkarin SHC rawn chungin a ruat ang.

lCEM pakhat, chairman pakhat, dy. chairman pakhat, executive member pali leh member pasarih an awm ang.


lAn hqrs.-ah SHC secretariat din a ni ang a, Chief Minister-in CEM rawn chunga a ruat Secretary-in a ho ang.

lHPC (D) member-te thubuai neih zawng zawng chu tihtawp tur a ni.

lHPC (D) member-te chhawmdawlna tur sorkarin a ngaihtuah bakah, an ex-gratia tur a ngaihtuah ang.
-Vanglaini

No comments:

Post a Comment

Post Bottom Ad