ICFAI UNIVERSITY MIZORAM: Vawiin khan  Institute of Chartered Financial Analysts of India  (ICFAI)  University, Durtlang North ah Mizoram Kailawn 2018 Outreach Program hman a ni.

 Mizoram Kailawn hi sumdawnna leh eizawnna rintlak ruahmanna atana inelna (Business Plan Competition) a ni a. New Economic Development Policy (NEDP) hnuaia Entrepreneurship Development Scheme (EDS) hma lakna niin Indian Institute of Management Calcutta Innovation Park (IIMC-IP) te nen tangkawpa buatsaih a ni. “Mizoram Kailawn” in a tum ber chu entrepreneurs ni tan mek leh nih tum mek te zawn chhuah a, hriatchian a, tanpui an ngaihna lai enpuia tanpui a ni.

ICFAI UNIVERSITY MIZORAM

ICFAI UNIVERSITY MIZORAM

 Vawiin Outreach Program ah hian MEDMOC Master Trainer Pu R. Lalhmingthanga’n entrepreneurship awareness leh EDS hmalakna a sawifiah a. IIMC-IP te local partner, Mizoram Consultancy Group aiawhin  Zorammawii Ralte-in Mizoram Kailawn intihsiakna chungchang a sawifiah a ni.  

Mizoram a sumdawnna (business) bul tan tir te leh bul tan na atana ngaihdan (idea) tha tak nei te leh Mizoram than zel na tura hmalakna tur ruahmanna tha nei te chu he business plan competition a tel ve ngei tur in sawm an ni a. Online in application/dilna May ni 10, 2018 thleng a theh luh theih a - www.mizoramkailawn.org ah hriattur pawimawh (information) leh dilna (application form) fill up-in theh luh theih a ni. -DIPR

Post a comment

Powered by Blogger.