Vawiin khan health Minister Pu Lal Thanzara chuan Kolasib District Hospital ah mipuiten man tlawm zawka damdawi an lei theihna tur Damdawi dawr jan-aushadhi kendra store a hawng.
Hawnna inkhawmah hian khuallian thu sawiin Pradhan Mantri Bhartiya Jan-Aushadhi Kendra Store, Mizo te’n Damdawi Mantlawm Dawr ti a kan hriat lar tak hi, Prime Minister Healthcare Scheme pawimawh tak ani a damdawi quality tha niin, man tlawm zawka zawrh a nih avang hian mi harsa zawk leh BPL chhungkua te tan phei chuan malsawmna hlu tak a ni a ti.
MAN TLAWM ZAWKA DAMDAWI LEI THEIHNA DAWR JAN-AUSHADHI KENDRA STORE
Jan-Aushadi Store hi tun dinhmunah Mizoramah chuan 9 a awm a (Kolasib nen) Tunah hian District Hospital zawng zawnga hawng turin ruahmanna kalpui mek a ni a. Hruaizel Pharmacy chu implementing partner ah hmangin, kumin chhung ngei hian District Hospital zawng zawngah he damdawi mantlawm leh, quality tha zawrhna hi din vek turin ruahmanna siam a nih thu a tarlang a, CHC thlenga dah turin ruahmanna an siam mek a ni a ti bawk.
He tih lai hian he generic damdawi hmang tur hian Doctor-te an pawimawh em em a, doctor-te ah hian mipui leh damlo ten rinna kan nghat nasa a, doctor ber ten min chawh lem loh chuan mipuite tan chuan lei ngaihna a awmlo a ni tiin khawvel ram changkang pawhin generic damdawi an hman ang hian India pawhin hmang ve turin theihtawp a chhuah a, Medical Council of India pawhin generic hminga prescription ziak turin hma a la a. Doctor-te pawhin mi harsa zawkte tan prescription an ziahin generic hminga ziak turin a ngen a ni.
Hemi bakah hian NEDP hnuai atangin District Hospital tih changtlun nana ruahman cheng 9,498,400.00/- senga Damdawiin khawl chi hrang hrang 22 lei chu hman theih turin Pu Lal Thanzara hian hawng bawkin Cheng Vbc 4.9 chuang senga Kolasib ah Trauma Centre sa tura ruahmanna kalpui mek a nih thu a tarlang bawk ani.
Post a Comment