MAGENITIC MIZORAM SHOW 2018: Cheng vbc 2300 hu hmasawnna hnathawhna tur MOU vawiin khan Mizoram sorkar chuan Company 2 a ziahpui a, Ni 2 awh Magnetic Mizoram Investors Summit vawiina zawhfel taka tel te an ni.

MAGENITIC MIZORAM SHOW 2018Inremna a ziahpui te hi ei leh in siamna hmun hawng duh leh a thawkduh te tana zirtirna pe Hospitality Doctor a ni a, cheng vbc 1500 senna tur a ni a, anni bakah hian Solar Plant Company Sungevity Enterprise cheng vbc 600 senna tur nen ziah a ni bawk.

Summit zawh hnu hian Sungevity Enterprise leh Hospitality Doctor nen a MoU ziah chungchangah Sawrkar hotute leh Company aiawhten hmalakho dan tur an sawi chhunzawm ang a. Heng company ten Mizorama hmalakna tur atana an pawisa invest hi Mizoram hamthatna atan Mizo mipuite, mimal emaw company emaw, an thawhpuina tur a ni a, sawrkar chu an inkarah kawng kawhhmuhtu a ni dawn niin sorkar thuchhuah chuan a tarlang.


Magnetic Mizoram Investors Summit, Berawtlang Tourist Convention Centre-a buatsaih chu vawiin khan Mizoram pawn leh chhunglam atanga mi sawmten sawihona leh inkawmna an neih hnu in a tiak ta a. Chief Minister Pu Lal Thanhawla chuan cheng vbc 2100 hu Mizorama Investment tih na tur MoU ziah tak chu Investor Summit hlawhtlinna lantirtu a ni, a ti a. Mizoram leh investor-te tan hmasawnna leh hlawkna a thlen ve ve a beisei thu sawiin, Mizoram chuan hmasawnna kawng a zawh mek a, investing company-te tana ngaihpawimawh ber pakhat inkalpawhna pawh tichangtlung turin nasa taka hma lak mek zel a ni a ti.

Planning Minister Pu Lalsawta chuan Investors Summit buatsaih chuan Mizorama sumdawng tharte tan hmasawnna a thlen tel ngei a beisei thu leh, mipui zingah hmalakna tur ngaihtuahna leh ruahmanna tha tak tak nei, lian tham taka hmalak dawn a thawhpui tur hre mai lo ten khawvel huap company liante nen mahni kawtkaia inkawmna hun siam a ni chu lawmawm a tih thu a sawi a ni. -AIR News Aizawl

Post a comment

Powered by Blogger.