Mizoram leh Assam inrina Zophai leh a chhehvela dan lo a insak te enfiah chungchangah vawiin khan Jt. secy. Ministry of Home Affairs Pu Satyendra Garg kaihhruaina in Silchar Airport-ah Mizoram team leh Assam team in joint meeting an nei.
He meetinga tel, Mizoram team leader Conservator of Forests (CC) Pu Lalthlamuana chuan Inner Line Reserve chhung survey an tihtawp lailawk chu chhunzawm dan turah duhthlan tur thil 2 chhawpchhuah sak an nih thu a sawi a. Tuna Mizoram map, Survey of India in a siam, Constitutional Boundary a hmangin, boundary atanga a tawn tawna Mizoram leh Assam lampang a hlat zawng in ang, disputed area apiangah survey nise tih ani a, Hemi bakah hian Inner Line Reserve Forest, Sq mile 509 a zaua dan lova thil tih awm ve ve chu a pumpuiin sorkar laipui atangin rawn survey nise tih a ni.
Mizoram Team te chu duh thlan tir an ni a, amaherawhchu he thi; 2 te hian Boundary lam a kawh deuh avanga a hmuna chhan chi a nih loh thu an hrilh niin Pu Lalthlamuana hian a sawi a. Ministry lam hian thuneitute be rawn a tun atanga ni 3 chhunga an chhanna report pe tura tih an nih thu a sawi.
Mizoram team atanga tel ve MZP President Pu L. Ramdinliana chuan an rawtna hi an pawm dawn leh dawn loh chu meeting neih phawt ni se an ti a, an duh dana a kal lo anih chuan Zofate Chawlhbuk din an tum dawn a ti.
Mizoram team te hian meetinga an thudawn hi Thawhtanni hian Home Secretary sawipui an tum, niin kan corr chuan a sawi.
State pahnih aiawhte hian ramri endik hna hi an thawk a, nilaini khan chhunzawm tur a ni a, amaherawhchu an thu a in hmuh theih loh avangin thulh ani a,endik tannahmun tur leh endik chhunzawm hun tur chungchang chu thuneitu sang zawk hnenah thlen nise,an ti a, he thu kalzelah hian vawiina Sorkar laipui kaihhruaia Jt Meeting hi neih a ni zui ta a ni.
-AIR News Aizawl
-AIR News Aizawl
Post a Comment