![CHAKMA AUTONOMOUS DISTRICT COUNCIL ELECTION 2018 CHAKMA AUTONOMOUS DISTRICT COUNCIL ELECTION 2018](https://blogger.googleusercontent.com/img/b/R29vZ2xl/AVvXsEgKA07fywJIvnfTuG1msvG1L7ytXRt_V9nxY27S9oayLEVDaXrY-xD0CXNLTOiVf6Q9WsoiwDdInTT5gl4nFQzlzn7CB5bW3sp0hj_tAvv-QTT6KrHz9KbRnEwTgbUjx6uLw_gJyKm0bk_9/s200/img-20180420-wa_1524220209.jpg)
CHAKMA AUTONOMOUS DISTRICT COUNCIL ELECTION 2018
CADC-a MDC bial 20 awmah Fultuli constituency-ah chuan High Court order-in inthlan hi stay rih a ni a; MDC bial 19-a polling station 66-ah inthlan hi kalpui a ni. He CADC inthlan atan hian voter hmeichhia 15087 leh mipa 15478, an vaiin vote nei thei mi 30565 an awm a. Tlai dar 3 thleng khan hriat theih chinah vote za zela sawmruk atanga sawmruk panga (60%-65%) vel a tla tawh a. Polling station thenkhat chu inbiakpawhna lam harsat avangin an chanchin hriat theih a ni rih lo.
Tun tum CADC inthlanah hian INC leh MNF te chuan bial awm zawng zawng (bial 20)-ah candidate dahin, BJP-in bial 19 an chuh a, Independent candidate 7 an awm bawk.
Vote thlak hun hi zanin tlai dar 5 thleng hawn a ni a. Hemi hnu hian polling station hrang hranga EVM-te chu Chawngtea SDO Civil office strong room-ah dah that nghal a ni dawn a; EVM-te hi naktuk zing lam hian Chawngte phurh thlen kim theih beisei a ni. CADC inthlana vote tlate hi April ni 24, 2018 (Thawhlehni) hian Chawngteah chhiar a ni ang.-DIPR
Post a Comment