Hmeichhe pual inter village football a awm dawn

MFA-MHIP All Mizoram Inter Branch Women's Football Tournament 2018MFA leh MHIP chuan Hmeichhe Football tih hmasawn an tum a, hmalakna hmasa atan May, 2018 chawhma chhungin All Mizoram Inter Branch Women's Football Tournament neih a ni dawn.

April ni 20, Zirtawpni tlai khan State Guest House Chaltlangah MFA leh MHIP chuan thawh hona thuthlung an ziak a, he hunah hian MFA hruaitute leh MHIP hruaitute an kal ṭha hle. 

MFA president Lal Thanzara meeting a kaihruai a, R. Lalruatsanga Tochhawng, women wings chairman chuan, "Mizo hmeichhiate tun aia football-ah hma kan sawn zual beiseiin MHIP te nen thawh zai kan rel a ni a, tun season chhung hian All Mizoram Inter Branch Women football Tournament buatsaih nise kan ti a ni. MHIP lam ten min ṭawiawmna a tam thei ang ber tel tur a hma min lakpui tur leh kan mamawh avangin thawhho puiah kan rawn sawm che u a,  a ṭul ang zawng zawng erawh MFA lamin kan buaipui thung dawn a ni," a ti bawk. 

MHIP president Saipuii chuan, "Hmeichhiate football-ah tun aia sanga invawrh kan duh. Kumpuan bawhzuina ni pah fawm a hetiang a MFA in ruahmanna an rawn siam hi a lawmawm kan ti a, kan theih tawpin kan ṭawiawm ang," tiin MFA nen ṭha taka an thawhho tur thu a sawi.-Vanglaini

Post a Comment

Powered by Blogger.