Miss Zofa International thlanna chu neih chhoh mek zel niin, Inrini khan Casual Round zawhfel a ni.
Miss Zofa thlanna hi April 18 khan ṭan a ni a, contestant mi 19 an awm. Contestant-te hi April 20, Zirtawpni khan Hotel Floria Rooftop-ah Basic Interview neihpui a ni. Inrini khan City View Resort, Hangi Lunglen tlangah Casual Round hmanga inelna neih chhunzawm leh niin, he hunah hian Miss Personality, Miss Perfect 10 leh Miss Photogenic thlanna neih a ni. Sub-title thlanna result hi Grand Finale-ah puan a ni ang.
Vawiin hian contestant-te hi social work tihpui an ni dawn a, Civil Hospital Aizawl-a Naupang Ward an tlawh dawn a ni. Naktuk zanah intihsiak chhunzawm leh a ni dawn a, Chanmari YMA Hall-ah Talent Round neih a ni dawn. Talent Round hi a hmunah a duh a piang tan chhim thei a ni dawn a, LPS 1-ah live-a pekchhuah a ni bawk ang.
Grand Finale hi April 27, Zirtawpni hian MZU Auditorium-ah neih tura ruahman a ni.
Miss Zofa International 2018 Casual Round
Post a Comment