Miss Zofa 2018 Final-ah Mizoram Chief Minister
Chief Minister Pu Lal Thanhawla chuan "Zofate hi khawi rama cheng pawh ni ila, sawrkar min awptute theuh lakah khua leh tui tha kan ni zel tur a ni", a ti. He thu hi Miss Zofa International 2018 Grand Finale, Mizoram University Auditorium-a buatsaih a telpui naah a sawi a ni. He programme-ah hian Chief Minister hi Pi Lal Riliani, President, Indian Society on Tobacco & Health (Mizoram Chapter) in a tawiawm a, Speaker Pu Hiphei leh Pu Lalrinmawia Ralte, Political Adviser to CM te an tel bawk a ni.



Chief Minister Pu Lal Thanhawla chuan kumpinu sawrkarin Zofate chu ram hrang hrangah then darhin, vawiin thlengin khawvel ram hrang hrangah te cheng mah ila thlahkhat kan nihna leh kan inunauna chhawm nun zel nachang thangtharten an hria chu a lawmawm hle ni, a ti a. Miss Zofa International Contest chu hnam inpumkhatna lama hmanrua pakhat ni tura buatsaih a nihna angin contestant-te chu inunauna rilru pu reng turin a chah bawk. 

Grand Finale Miss Zofa 2018

Chief Minister chuan khawvel pumpuiah zofate kan inknalhchhuak ve tawh in, mipawimawh leh hna tha tak Tak thawktute, rawngbawltu pawimawh tak tak kan awm te hi a lawmawm hle a ni, tiin khawi hmunah pawh awm ila Zofate chu khua leh tui rinawm, mahni intodelh leh hnam tihmingthatu ni vek thei turin a chah a. Zofate Inpui bera kan ngaih Mizoram chhunga chengte pawh nu leh pa changa kan unaute ram dang leh state dang awmte tuamhlawmtu nih kan tum tur a ni, a ti bawk.

Miss Zofa International hmasa ber atan R.Lalhmangaihpuii, Zobawk, Lunglei District chu thlan a ni a. 1st Runner Up chu Zomuankimi Sailo, Aizawl District niin, 2nd Runner Up chu Rocy Niangbiakmawi, Manipur a ni. He intihsiaknaah hian contestant-te hi state chhung leh pawnlam atang bakah Bangladesh leh Myanmar atang te in an tel a ni.-DIPR

Post a comment

Powered by Blogger.