Ziaktu: B Chhuana
Genesis 4:12
Bible hi inhnial zawnga thlir chuan inhnial theih tak a ni,chung zinga hnial hlawh tak chu Kaina chungchang hi a ni awm e, Nupui a neih ringawt dan te Khawpui adin theih dan te,an chhedawng a nih hnu a thah ahlauh hian tu nge ahlauh tih te hi zawhna tam ber leh chhan har ang reng tak a ni,Kum 1925 kum khan Tennesse Court ah William Jennings Bryan chuan heng chungchang ah hian Pathian awm ring lo ho achhang fiah zo lo an ti.
Kaina nupui chungchang hi Gen 4:17 ah kan hmu a,a nupui apawl a tih atangin ain tan tawp mai a,mi tam takin heta ngaihdan an neih chu Adama leh Evi bakah hian chhungkaw dang an awm tawh a ni ang a an ti,hei vang hian Pathianin engkim a siam tih hi rin harsa an tih phah a, Evolution thurin hi dik zawkin an rin phah a ni.
Kristian ten kan hrilhfiah danah chuan Kaina hian a farnu nupuiah a nei kan ti deuh ber a,hei hian hnialtu hnawltu anei leh pek a,,Bible chuan unau hnai inneih aphal lova Lev 18:20,chuvang chuan Kaina chuan afarnu nupuiah a nei lovang tiin Bible thu vek hmangin an hnial a,mahse Leveticus bu hi chu Adama te hun atang a kum sang tam tak liam hnua ziah chauh a ni,
Abrahama unaupa Nahora nupui pawh a unaupa tho Harana fanu a ni,afanu nupui ah a nei a nih chu,Abrahama nupui Sari pawh afarnu pahmun nu hrang a ni Gen 12:20.Hetiang hi a nih avangin Kaina pawh hian afarnu nupuiah anei tihna a ni.Khanglai kha chuan an farnute an nutate kha an inneih pawlh lo thei lova,Adama pawhin ama taksa nakruh ngei nupuiah a neih kha,khanglai khan chhungkhat hnai inneih pawlhin chithlahna lamah that lohna ala awm lova,kum engemaw zat ral hnu Mosia hunah erawh chuan apawi theih zia leh khap anih thu kan hmu chauh a ni,Mosia danah pawh laina hnai lutuk inneih chu khap a ni.
Tin mi tam tak chuan Kaina hian Nod mi nupuiah a nei angin ansawi /ring bawk a, hei hi Bible kan chhiar chian tawk loh vang a ni,Nod rama a awm hnuah hian a nupui apawl tih chauh kan hmu,Nod ramah nupui a nei tih na a ni lo,Nod rama a awm hmain nupui a nei tawh zawk a ni.
A dang leh pakhat chu Pathian anchhe dawng a nih thu ahrilh khan Kaina chuan tupawh mi hmu apiangin mi that mai ang atia Gen 4:14 hei pawh hi mi tam tak chuam Adama leh Evi thlah bak mi dang an awm ve ngei zia ati lang niin ansawi thin.
Kan Bible hian fa hmasa ber achhui deuh ber thin a,midang unau tam tak pawh nei mahse aziak lang tam meuh lo thin, Adama khan Kaina leh Abela aneih hnuin kum 130 a nih hnuah Setha ahring a,ani bakah hian fanu leh fapa a nei hlawm bawk Gen 5:3 mahse Bible in achhui vek lem lo.
Hetiang hian chhut ta ila, kum 130 a nihin Setha a nei a,hemi hnu hian kum 800 ala dam a,Kum 3/4 dana fa nei angin chhutsak pawh ni ila,nupa tam takah chuan kum zawnin fa an hring a Fa 400 vel tal chu an nei hman tihna a ni,lsrael thlahtu Jakoba te chhungkua pawh Aigupta rama an pem thlak khan mi 70 chauh a ni,kum 430 Aigupta bawiha an awm chhungin Naupang chhiar tel miah lovin mi nuai ruk 600000 vel an in thlah pung hman a nih kha,Evi leh Adama Kum 930 an dam hian hian antu leh fate nen khawpui din tham khawp an in thlahpun hman arinawm hle a ni,chi tam tak thlah a leilung luah khat turin Pathianin mal asawm bawk nen.
Kaina leh Abela a neih khan Adama hi kum engzat nge a nih sawilan a ni lova,Eden huanah khan kum engzat vel nge an khawsak hriat a ni lo, Kaina'n a nau Abela athah kha chuan fa tam tham tak anei tawh mai thei bawk,chuvang chuan Kaina hian Abela phuba la a a unaute anrawn chhuah ahlau ani ber zawkin a ngaihtheih.
Kainan khawpui adin theih dan pawh chiang taka sawilan a ni lem lova,mihring chanchinah hian sapel aremchang lai apianga khawsa mai mai atangin thingtlang nun ain tan thin a ahnu kum engemaw zat hnuah khawpui lian alo ding chhuak thin,hei hi thilhlui laihchhuah atang pawhin adik niin ansawi,heng atang hian bible hian hnialtu nei thin mahse Bible atang bawkin adik a ni tih kan hre thei mai awm e.
Post a Comment