David Sailo

biak in chei mizo inkhawmThawhlawm leh Sawma Pakhat chu Inkhawmna inah kan la khawm thin a, tuemaw in chunglam tan a hlan ta thin a, "Mal min sawmsaka min tih thianghlim sak turin" tiin.

Kan hlan zo chu kan thawhlawm lakkhawm chu sum thianghlim takah kan ngaia, a lo luhna chu engpawh ni rawhse, a hmanchhuahna lam chu chunglam duh dan a nih phawt chuan kan chhui zui duh ta lo.Chiang taka Eiruk suma rethei in sak sak kan hriat hian a eirukna dik lo nge langsar zawk a in sak sak chu?

A LUHNA NGE PAWIMAWH A CHHUAHNA -
Tam tak ngaihdan ni mekah chuan a luhna hi eng kawngro mah su ve lo, a hman chhuahna a dik phawt chuan lo dawng tura engmah pawisak neilo deuh vek kan ni ta. Hei vang hian kan Biak In pawh Bible thu lam bengkhawn tha duh lovin dawr luah atan kan thiangzau ta hle a nih hi.

A luhna lam hi chhut chian chi ah kan dah tawh lova, miin phal taka a pek phawt chuan Kohhran hote chuan lawm takin kan dawng mai tur a ni, a lo dik lo a nih pawhin mawh kan phur love tih hi kan ngaih dan a ni a, a Amount a tam phei chuan chhui chu sawi loh kan lawmna a sang ting mai a nih hi. Miin hei hi hria leh man fuhin zahawmna khelh nan, lan mawi nan leh tlak tlum nan an hmang ta chat chat mai zawng a nih hi.

BIBLE AH -
Anania leh Saphiri te nupa dik lo taka thawhlawm pek tum kha lawm takin an dawng lo a ni satliah lo, an nupa khan hau hlum an tawh phah hial a ni. A chhuak lam chauh ngaihtuah Kohhran chu ni ve se hemite nupa hi an hmingtha in an tlatlum ngawt ang le !!

Kohhran hotea thilpek pek duhna rilru lian tak chu an nei mahse an chhunluh tum dan a fel loh avangin an thih phah ta. Bible chuan a hmanna leh a luhna lam hi a hâm Strict viau tih a chiang phawt mai.

HRIATTIRNA DAWNG LO UPA -
Khi mite nupa sum thawh dan dik lo khi Kohhran hruaitute khan tisa leh thlarauin a dik lo tih an lo hria a, hnar dan rapthlak takin an lo hnar a ni.

Kan tunlai Upa te hian Kohhrana sum thianghlim lo chhunluh a awm leh awm loh hi Thlaraua hriattirna an dawng lo hul hual a nih pawhin tisa bengin an dawng lo tawp em ni ang? Nge hnar phal chi rualah kan dah tawh lo zawk a, Tirhkoh hmasa te kha chuan an ngam siah siahin an dimlo khawp mai.

THAWHLAWM HLAN CHU LE -
Kan hlan chuan a thianghlim vek ta angem le? Chuatiangin keini lo hlan thianghlim theih a ni ngawt dawn em ni? Sum thianghlim lo tlemte tel ve khan a dang thianghlim zawng zawng kha chunglam ngaihdanah a pawlhnut phah vek zawk hial angem? Thianghlim lo na na na chu tuemaw tawite tawngtai vang hian chunglamin THIANGHLIM a tih phah ka ring lova, heng kan tih fo vang hian kan rawngbawl meknaah engnge maw nghawng a neih zawk hial lo maw?

Post a comment

Powered by Blogger.