MISS ZOFA INTERNATIONAL 2018 A LAWNGTLAI DISTRICT ATANGA TEL TUR TE
April Ni 18 atang a neih tan tur, Miss Zofa International 2018 ah Lawngtlai Dist aiawh in Julie S. Rothangpuii, Rulkual nula leh B. Lalthuthlungthari, Sangau te an tel dawn.
Julie S Rothangpuii hi kumina Miss Hlukhla 2nd Runner -Up kha a ni a. B. Lalthuthlungthari hi Chhawkhlei Kut (Rhododendron Festival) neih hmasakber a, "Chhawkhlei Queen" kha a ni.
Khawvel pumpuia Mizo nula hmeltha, fel leh fing thlanna, Miss Zofa International Contest 2018 hi Pu C.Dinthanga, Editor Lelte kaihhruaina a buatsaih tur niin, April ni 18 -27, 2018 chhung hian Aizawl-ah neih a ni dawn a. Contest Organising Chairman Lalrinmawia Ralte, MLA, Political Adviser to Chief Minister, Govt. of Mizoram leh Organsing member 18-te chuan chak takin hma an la mek a ni.MISS ZOFA INTERNATIONAL 2018
Miss Zofa International hian lawmman-ah Rs 3,00,000/-(nuai thum fai) leh Car thar a dawng ang a, thilpek hrang hrang a dawng bawk ang. Lawmman pahnihna leh pathumna hian Rs 1,00,000/- chuang an dawng ve ve ang a, thilpek eng emawzah an dawng bawk ang. Sub-title chi 7 siam a ni dawn a, hei hian lawmman tha tawk a keng tel bawk ang.
He Contest-a tel theite chu a hmasa berah ZOFA dik tak ani tur a ni a, san zawngah feet 5'3 a sang, kum18 -30 inkar, nula hnakhat a ni ngei tura ni.
Contest a tel tur hian Zofa anih phawt chuan khawi ram atang pawhin a tel thei ang.
Miss Zofa Contest turte chuan Zotawng zinga eng emaw tal a thiam tur a ni a, saptawng a thiam ngai kher lo a, Contest chhungin Mizo (Duhlian) tawng hman tur a ni a, Duhlian tawng an hmang thei lo anih pawhin tawnglettu an ruai thei bawk ang.
Buatsaihtute'n Mizo khawvel hmun hrang hranga tel tura a sawmte zingah Myanmar atangin Yangon,Tahan leh Chin State atangin tel turte ruahmanna a awm mek a, Bangladesh, Tripura, Manipur,Haflong, Shillong leh Barak Valley Council atangin State pawn lam atangin rawn tel tura beisei a ni a, Mizoram District 8 atangin Contestant pahnih zel tel tura ruahman a ni bawk.
Miss Zofa International Contest hian a tum ber chu khawvel hmun hrang hranga Zofate nasa leh zuala inpawhna tha zawk leh hnam khat kan ni tih lannatura buatsaih a ni.
He Contest-a Chief Organiser, C. Dinthanga hian kum 1985 atang khan Mizo thalaite tan beauty contest a lo buatsaih tawh a, a tirah kumkhat danah Miss Aizawl buatsaihin, Miss Aizawl Contest hi vawi 6 a buatsaih hnuah, MJA phalna in Miss Mizoram Contest vawi 7 alo buatsaih tawh bawk. Tun tumah hian khawvel hmun hrang hranga Mizo nulate tan chance siam ve thungin, 'Miss Zofa International Contest 2018' hi an lo buatsaih ta a ni.
Miss Zofa International-ah hian Mizoram a District hrang hrang atangin aiawh Pahnih (2) theuh leh Mizoram pawn atangin Zofa/Zo hnahthlak Nula nalh tak tak te an in lan dawn a ni.
Post a Comment