Vanlalruata Pautu

MIZO ZAITHIAM FELI FANAI HRINGNUN TLANGPUITunlai Mizo hmeichhe lengzem singer zinga thiam, tha, hot bera chhal ngam hial Feli Fanai hi Pu Lalbiakmawia (L) leh Pi Thantluangi te inkarah an fa pali zinga upa ber ni turin September 8, 1991 khan Champhai ah alo piang a, pianpui unau mipa 2 leh hmeichhia 1 neiin an unau zinga upa ber a ni.

Feli hi rual kawm thiam tak, leh fel em em mai a nia, zirna lamah hian school hrang hrang ah a kal lawr ve nasa hle a, zai lamah pawh naupang te anih lai atanga zaia in hmang chho tawh niin biakin velah te pawh a zaive nasa thin hle bawk. Amah hi Presbyterian kohhran a lawi ani nghe nghe. Zai hi a tui em em a,mahnia inzirmi tak anih zia chu hei tunah atakin a rawn lang chhuak a,hlawhtlinna kawng arawn zawh chho mek zawng anih hi.

Zai lamah a in hman avangin zirna lam pawh chhunzawm theilo in a han chawlhsan ve vang vang țhin a, A remchan ang zelin zirna hi chhunzawm leh țhinin open ah te a han kal leh ang lawp lawp țhin a. Feli hian hlawhtling turin a bei ve nasa hle a,biak in ah te a zai țhin mai bakah radio ah hla te a record ve a,apa hian a tuipuiin kawng engkimah a backup tha hle, a hla record hmasak ber chu "Aw Zan Thianghlim" tih leh "Noel" tih hla kha a ni, hetihlai pawh hian naupang te ala ni, a hla a record hmasak ber kha kum 2007 lam daih khan a ni. A huat zawng chu țhian țha anga lang, mahse hnunglam ațanga mi sawichhiat ching, mi er ran te hi an ni. A duh dana thil a kal loh hian a rilru a hnual phah ve fo țhin a, milar an ni a,sawi sel tu leh sawi chhetu tamtak karah pawh a talent thup bo pui a tum lova, vawin ni hi a rawn thleng chho ta ani. Zai hi a ngaithla nasa hle thin, a bikin English hla a ngaithla nasa leh zual a, a ngaihthlak zin ber leh ngaihsan ber pawh Country Singer Shania Twain niin hunawl a neih a piangin a ngaithla țhin.

Tunlai Mizo hmeichhe lengzem singer zinga thiam, tha, hot bera chhal ngam hial Feli Fanai hi lo belchiang ve rawh le.

Post a comment

Powered by Blogger.