MIZO TLANGVAL IN PRO WRESTLING ZIR DAWN
Lalbiakdika Sailo (19), Ramhlun South venga cheng hi wrestling a bikin WWE tui tak mai a ni a, kum 10 chuang chu rim takin WWE a lo atchilh tawh. Amah hi tunah lehkha zir pahin gym te kalin a taksa a inenkawl uluk ve hle a, wrestling khelh a chak ngawih ngawih avangin a tumruh khawp mai a, Professional Wrestling khelh a WWE a luh chu a tum ber a ni ta bur mai!!!
WWE Superstar piang tawh zawng zawng zinga a duh leh ngaihsan ber chu Finn Bálor a ni a, wrestling chanchin hria leh a kalkawng hautak rapthlak zia hre chiang tan chuan he a tumna hi thil nuihzathlak tak ni tur a ni. Mahse tum chuan kawng a awm an lo tih thin angin tunah hian nasa takin a bei ve mek a ni a, ram hrang hrang atanga pro wrestler tha tak tak WWE mai nilo, territory brand NXT ringawt ah pawh lut thei tura inchuh te a el pui dawn tihna a ni.

A nickname hi "Dikson Sailo" a ni a, a pa hi Dikson Aluminium House, Ramhlun Veng a mi neitu a ni. Mi tumruh leh hlawhtlin tum tak mi a ni e. Tunah chuan Indian tan pawh WWE a luhna chance a tha ve deuh tawh a, Mizo zinga Pro Wrestler hmasa ber tur a ni thei mai ang em???
Post a Comment