MIZO TLANGVAL IN PRO WRESTLING ZIR DAWN


Lalbiakdika Sailo (19), Ramhlun South venga cheng hi wrestling a bikin WWE tui tak mai a ni a, kum 10 chuang chu rim takin WWE a lo atchilh tawh. Amah hi tunah lehkha zir pahin gym te kalin a taksa a inenkawl uluk ve hle a, wrestling khelh a chak ngawih ngawih avangin a tumruh khawp mai a, Professional Wrestling khelh a WWE a luh chu a tum ber a ni ta bur mai!!!

WWE Superstar piang tawh zawng zawng zinga a duh leh ngaihsan ber chu Finn Bálor a ni a, wrestling chanchin hria leh a kalkawng hautak rapthlak zia hre chiang tan chuan he a tumna hi thil nuihzathlak tak ni tur a ni. Mahse tum chuan kawng a awm an lo tih thin angin tunah hian nasa takin a bei ve mek a ni a, ram hrang hrang atanga pro wrestler tha tak tak WWE mai nilo, territory brand NXT ringawt ah pawh lut thei tura inchuh te a el pui dawn tihna a ni.


Tin amah hian nikum khan a lehkhabu ziah "Just A Kid With A Dream" tih chu a lo release tawh a, hetah hian a tet lai chanchin bakah topic hranin WWE a ngainat dan leh en thin dan chanchin te a ziak kim khawp mai a, pro wrestler nih ve a chak zia te leh Indian Wrestler nen an inbiak thu te, WWE Superstar Roman Reigns leh Alberto Del Rio te a taka a hmuh avanga a lawm zia te a ziak a, Triple H nen India a a lo kal tumin thla te pawh an la dun tawh. January 2016 a India a WWE Live Event neih a hmuna a chhim ve chanchin te pawh thlalak nen a tarlang a, English vekin a ziak.

A nickname hi "Dikson Sailo" a ni a, a pa hi Dikson Aluminium House, Ramhlun Veng a mi neitu a ni. Mi tumruh leh hlawhtlin tum tak mi a ni e. Tunah chuan Indian tan pawh WWE a luhna chance a tha ve deuh tawh a, Mizo zinga Pro Wrestler hmasa ber tur a ni thei mai ang em???

Post a comment

Powered by Blogger.