Mizoramin hruaitu Pathian mi a mamawh - Rev.Dr K Thanzauva

Tangrual pawl, Zoram Peoples' Movement (ZPM) chuan nimin khan Aizawla an pisaah chhung inkhawm an nei a; thu sawitu, Rev.Dr K Thanzaua chuan, Mizoramin hruaitu Pathian mi a mamawh tak zet thu a sawi.

ZPM inkhawm hi MPC senior vice president Vanlalhlana'n a kaihruai a; Rev.Dr K Thanzauva chuan, Mizoram chu Mizo pi leh pute sual chhuah, Pathian thua din leh sawhngheh a ni tih sawiin, "Kan ram mawina te, a ropuina leh a damna hi Chanchin Ṭha vang chauh a ni a, kan ram hruaitu tur pawh hian Pathian mi, thlarau hruai kan mamawh tak zet a ni," a ti.

Rev.Dr K Thanzauva chuan, Mizoramah naupang têa pasal sún an tam thu sawiin, "Home-a dah sên loh kan awm reng maite hi a manganthlak hle. Tuna kan dinhmun hi mipui vote chhuah a nih avangin a pawi tak zet a ni. Mahni pumpui leh chhungkaw politics hi kan bànsan a ṭul tawh hle a ni," a ti a; mipuite chu an vote hlu tak hmanga ram hruaitu ṭha siam turin a chah.

K Thanzauva chuan, ZPM chu Israel fate nena tehkhinin, ram tiam panna kawngah chhel tak leh huai taka awm a ngaih thu leh hmabak tam tak a awm thu a sawi a, "Ram hruai ṭha duh lo leh ram hruai ṭha peih lote ûm bo tur hian kan ṭanhmun siam ṭhat sauh sauh a ngai a ni," a ti.-Vanglaini