Music Domain Mizoram (MDM) Hruaitu Thar - TIMES OF MIZORAM

Breaking

Home Top Ad

Post Top Ad

Music Domain Mizoram (MDM) Hruaitu Thar

MDM-in General Assembly vawi li-na hmang President atan Tea Boihtlung thlang nawn

Music Domain Mizoram (MDM) chuan April 7, Inrinni khan Hotel Rits, Coference Hall-ah General Assembly vawi li-na an hmang a, hruaitu thar thlanna neih nghal a ni. MDM president ni lai B. Lalsawmzuala (Tea Boihtlung) chu kum 2018-19 chhunga president atan thlan nawn a ni. 

MDM Gereral Assembly hi session thumah ṭhen a ni a, chawhma lamah inthlanna buatsaih a ni. President ni lai Tea Boihtlung chu president atan thlan nawn a ni a, a ni hian kum 2019-a assembly neih leh hma zawng a term hi a chelh dawn a ni. Gereral Secretary ṭanglai Lalnunkenga Chuaungo (Manuna) chu Vice President thar atan thlan a ni. Assistant Secretary ni lai Sawmtea chu G.S thar a tan thlan tlin a ni bawk. 


OB-ah hian mi thar pahnih an awm a, J.H Lallungmuana chu Assistant G.S thar atan thlan a ni a, treasurer atan Stacy V.L Muanpuii chu a tling bawk. 
Music Domain Mizoram (MDM) Hruaitu Thar

Session hnihnaah hian MDM Gereral Secreatry kalchhuak ta Lalnunkenga (Manuna) chuan report a pe a, Dr. Zothansanga hnena aṭangin MDM zinkawng ngaihnawm tak ngaihthlak a ni nawk. Session thumna hi rorel inkhawm a ni a, MDM hmalakna tur hrang hrang rel a ni. Rorel inkhawm zawh hian Variety Programme a awm zui bawk. 

MDM chuan Miss Mizoram 2018 T. Ramthanmawii (Thanthani) hnenah chawimawina thuziak an hlan a, a hnen aṭang hian thusawi ngaihthlak a ni bawk. Thanthani hian Miss Mizoram thlanna neih laia a project luitui humhalh chungchang a sawi bakah, fuihna thu a sawi bawk a ni. 

MDM Gereral Assembly vawi li-na hi Art & Culture Department-a Deputy Director Lalchuailova chuan khuallian niin a hmanpui a, Miss Mizoram 2018 T. Ramthanmawii (Thanthani) chu khual zahawm a ni.


Music Domain Mizoram (MDM) Hruaitu Thar


President : B. Lalsawmzuala (Tea Boihtlung) 

Vice President : Lalnunkenga Chuaungo 

General Secretary : C. Vanlalmalsawma 

Assistant Secretary : J.H Lallungmuana

Treasurer : Stacy VL Muanpuii 

Financial Secreatary : David Lalensanga

No comments:

Post a Comment

Post Bottom Ad