B. VANLALHRUAIA CHANCHINZiaktu - V. Lalnunthara, E-43, V.Thanga Street, Dawrpui

Pu B. Vanlalhruaia hi Aizawl Chawnpui Vengah nupui fanau neiin an awm a, thiamna lamah B.A a ni a, Computer lamah tawnhriat neiin; Programmer a ni. Zirna lamah Primary leh Middle chu Tuikual leh Mary Mount ah a kal a, matric chu St. Paul's High School atangin a zo. Union Christian College, Barapani a a kal laiin Shillong buai avangin zirna a chhunzawm thei lova, Madras lamah Computer Programming a zir zawh hnuah Govt. Aizawl West College atangin a Graduate a ni. College a kal chhung hian zirlai hruaitu ah a tel ve zel a, Mizo Zirlai Pawl dinthar lehna atana sulsutu pawimawh tak a tling. Zirlai movement vangin Jail hial a lo tang tawh a ni.

Amah hian a naupan lai atangin Sports hi a tui em em a, a danglamna tak chu chuan Sports discipline hrang hrang ah a tel thei deuh vek mai a ni. Chutiang taka infiamna lama tui mi anih na chuan a awm hle hle tir thei lo a, Infiamna kawnga Mizoten hma kan sawn theih nana rilru leh ngaihtuahna sengtu a ni a, Mizoram Sports Promoter niin chawimawina Award pawh Zoram pum huapin hlan a lo ni tawh bawk. Zo Sports dintu a ni a, Aquatics Association of Mizoram, MiMSA dintute zingah a tel bawk. Mizoram State Sports Council Autonomous body a nih theih nana sulsutu pawimawh tak a ni bawk. Cable TV a Sports programme buaipui a, viltu pawimawh tak a ni bawk.

Infiamna leh Kut hnathawktute chawikan tumna lamah a inhman nasat avangin Eizawnna lamah harsatna a tawk nasa hle a, sumdawnna firm pakhat a nei a ni. Tin, 2-Bee Management & Consultancy Firm dinin Mizoram tan Project an siam thin bakah tunlai kuthnathawktute thlai thar lei tura company lian Zoram Mega Food Park Pvt. Ltd. Khamrang ah Consultant hna a thawk bawk. Lirnghing a lo thlen thulha khawvel changkang zawkte insak dan tha zawk Pre Fabricated Building Mizoram chaw lut hmasa ber a ni bawk.

Pu Hruaia hi infiamna lama a tuina leh inpekna hi hria in; Congress Party hruaituten an sawm angin party a lut chuang lo in Sports Promote turin MPCC Sports Cell ah Joint Secretary a la ni mek a ni. Amah hi pa nelawm leh biak nuam, inngaitlawm tak a ni a, April ni 10 a PRISM Candidate 10 puan zinga pakhat a ni a, a thiamna leh theihna te Zoram tana hmang tura penchhuak a ni.

Post a comment

Powered by Blogger.