@vtg Apr 14, 2018:   Dr C. Malsawmkima, Khuangleng tlangval chu AIIMS ah superspecialist (DM Nephrology) zir turin written ah a inziak tlingin interview a hmabak mek a ni.

Dr C. Malsawmkima hian Superspecialist zir tur hian ST Quota a awm ve tawh lo a Open General ah written hi a inziak tling. Superspecialist zir tur hi chuan State Sponsor Quota chu a awm ṭhin a, hemi hmu tur chuan kum 5 chhung Service a ngai laiin Malsawmkima hi Mizoram State Sawrkar ah kum 1 chauh ala thawh avangin Sponsor hi a hmu ve thei lo a. Heti chung pawha Superspecialist zir thei tura a inziak tling hi a fakawm hle a ni. Vacancy lampang pawh a ruak zau khawpmai, "Mizo nula ngei" tiin a sawi nghe nghe a ni.

Dr C. Malsawmkima hi tunah Mamit District Hospital ah a thawk mek a. Specialist entrance hi vawi 6 a tling taw ah, MD MEDICINE hi 2016 khan a zo a ni. MBBS hi JIPMER aṭangin a zo a, PG pawh hmun 3 velah a inziah tlin hnuah India rama Medical College tha thlanchhuah a pahnihna ni pha ngat PGIMER Chandigarh ah a zir a, MD Medicine 2017 khan a zoin Practical ah phei chuan pakhatna nihna a hauh nghe nghe a ni. 

Dr. Sawmkima a achievement t:-

Mizoram state entrance ah MEDICAL LINE ah Rank 1, 
Engineer ah rank - 4 Specialist entrance All India rank
PGIMER - all India ST rank 2
JIPMER - ALL INDIA ST RANK - 4
NEET rank - ST rank 20.

Superspecialist hi General quota in MIZO ah Dr. Judy neurologist nen Dr. Sawmkima chiah hi inziak tling kan la neih a. AIIMS ah phei chuan tumah kan la awmlo a ni, Mizo thalate tanah challenge nasa tak mai chu an ni. Dr. Sawmkima ang hi kan ram tan kan mamawh ani.
Hetiang mi chhuanawm kan nei hi a lawmawmin interview pawh tha taka hmachhawn turin duhsakna kan hlan mawlh mawlh e.

Post a comment

Powered by Blogger.