David Z Hmar
April 14th, 2018 (MSR) : Nimin khan Mizoram sorkar leh Hmar People Convention (Democratic) HPC (D) te chuan inremna thuthlung Memorandum of Settlement an ziah tawh angin, HPC(D) hel pawlte chuan nunphung pangngai a awm turin CTI Sesawng ah an ralthuam te Mizoram sorkar ah an hlan ta. HPC (D) ten an ralthuam hi Home Minister Pu R Lalzirliana hnenah nimin chawhnu dar 1:30PM khan an hlan a, ralthuam chi hrang hrang an hlan ani, HPC(D) ten silai leh a mu (firearms leh ammunitions) an tun tak te chu hengte hi an ni: Sniper Rifle SRS A1 - 4, Self Loading Rifle - 1, AK Series Rifle - 9, Colt M4 Carbine - 1, Colt M16 Carbine - 1 leh Heckler & Koch Series- 6, DBBL - 1, Shot Gun - 1, M79 Grenade Launcher - 1, 9mm Pistol - 3, Baretta 9mm Pistol - 1 leh .32 Pistol - 3, Grenade - 5, M79 Grenade Launcher Shells - 10, Assault Rifle Ammunition - 2654, DBBL ammunition - 127, 9mm & .32 ammunition - 89, Detonator - 7, Weapon Magazine - 48 leh Radio Set - 5 te a ni.
Nimin a ralthuam hlanna inkhawm ah hian HPC (D) member arm- cadre mi 102 leh Council member mi 12 te chu SP CID (SB) Pu Rodingliana Chawngthu chuan intiamkamna laktir in Ralthuam hlanna neih ani bawk. Chief Minister Pu Lal Thanhawla chuan remna leh muanna a awm theih nana HPC (D) te chu nunphung pangngai a an rawn let ta chu lawmthu asawi a, mahni inpui ngeiah remna leh muanna hnuaiah thlamuang taka awm turin a chah ani. Chief Minister chuan tunhma lam deuhin HPC te nen Mizoram sorkarin inremna a siam tawh tih sawiin, vawiin a sorkar nena inremna atanga an ralthuam tunte en chuan ralthuam tha taktak te an pek luhna hian, remna tluangtling tak tak an duh tih ati chiang hle ani ati. HPC (D) te chu remna thlentu tangkai ber nia khua leh tui tha nizel tura chahin duhsakna ahlan a, sorkar angin inrelbawlna hmasawnna hmachhawp te chu atah tawlin a theih ang zelin hnathawh tum ani tiin remna leh muanna awm theihna tura Home Minister leh sorkar a official hnathawk tute leh HPC hotute remna leh muanna awm tura hma la tute zawng zawng chungah lawmthu a sawi.
Ralthuam hlanna inkhawm ah hian HPC (D) member aiawhin HPC (D) Working Chairman Pu LT Hmar chuan thu asawi a, Home Minister Pu R Lalzirliana pawhin thu asawi bawk. Mizoram sorkar chuan HPC (D) te hnenah hian an in chhawmdawlna tur rehabilitation Cheng vaibelchhe 3.24 hlanin an ralthuam tun atangin Cheng nuai 7 sing 1,4000 a hlan a ni. Ralthuam hlanna inkhawm ah hian inlawmna Home Commissioner Pu Lalrinliana Fanai chuan a sawi a, Chief secretary Pu Arvind- Ray, DGP sorkar hotute, HPC (D) council member , chanchinbumi leh Khawtlang aiawh leh a chhehvel khua mipuite an tel.
Post a Comment