- V. Lalnunthara, E-43, V. Thanga Street, Dawrpui

Pu R Rongenga leh Pi Lalramengi Ralte te fa pakaw zinga pasarihna Pu RL Liantluanga hi kum 1983, February ni 20 khan Biate ah a lo piang a, C Lalhliappuii nen kum 2006 khan an innei a, tunah hian an fate pahnih nen Bawngkawn, Aizawl-ah an cheng mek a, Chanmari Presbyterian Kohhran-ah an lawi thung a ni.

Zirna lamah B.A (History) niin chhungkaw harsatna avangin a zir zawm thei lova, nimahsela sumdawnna lam kalpuiin tunah hian Dawr Naran Pharmacy neitu a ni a, a nupui nen enkawlin an eizawnna ber a ni. Thingtlang aṭanga seilian leh rual pawl tam a nih avangin mi harsa zawkte puih kawngah theih ang tawk tawk a inhmang leh in seng hreh ngailo mi a ni. Zirlai hruaitu, Student Evangelical Union leh Student Union O.B lo ni tawh ṭhinin Tuichangral North Zirlai Pawl Vice President a ni tawh a, tunah hian Government Aizawl North College Allumni Association-ah Vice President a ni mek a, Zirlai Pawl lama in hmang chhunzawm chho tura rin a nih laiin Mizoram siam tura penchhuah duhna lian tak a nei ta zawk a. Tichuan, PRISM lamah a inhmang ta zawk a ni.

POLITICIAN TE BIHCHIANNA - RL LIANTLUANGA CHANCHINPRISM-ah Secretary General a lo ni tawh a; General Secretary hmasa ber a ni. Tunah hian General Secretary i/c Capacity Building a ni mek. Mipui chanai eiruk sak tute chunga dan a nih anga lekkawh nise duhna avanga hma lakna-ah Kum 2017 February 13 khan PRISM Party President Pu Vanlalruata nen man an lo tawk tawh nghe nghe a, "Kan tu leh fate chenna tlak tura kan ram neihchhun hi kan siamṭha a nihloh chuan kan hnam pawh a boral mai dawn avangin theih tawp chhuah zel ka duh a ni" a ti.

Pu Billy Rla tia hriat lar bawk Pu R.L Liantluanga hi Mizo thalai viak tha tak, kum 35 chauha upa, mi nelawm tak leh fel tak, ram hruaitu ni tura mi tam takin an beiseite zinga mi a ni.

Post a Comment

Powered by Blogger.