VAWK HRILENG CHUNGCHANGA AH&VETY THUCHHUAH
Tunlai Mizoram hmun hrang hrangah vawk damlo leh vawk thi engemaw zat an awm tih hriat a nih avangin AH&Vety Department chuan chak takin hma a la mek a. Hemi chungchanga mipui, a bik takin vawk vulha eizawngte hriat atan hetiang hian thu chhuah siam a ni:
1)Nipui lai (March-May) hi vawk natna Swine Fever leh PRRS len duh hun a nih avangin vawk vulh tute tan inven fimkhur tur a ni.
2)Swine Fever leh PRRS te hi vawk leh sanghal chauhin an vei thei a, mihring tan a hlauhawm lo a ni.
3)Ran leh Ran in-te fai takin enkawl la, bungbel thianghlim chauh hmang ang che.
4)Ran hrileng vanga damlo emaw, thi a awm chuan Local Council/Village Council emaw Vety Centre hnai berah report vat tur a ni.
5)Ran damlo hralh chhuak suh.
6)Ran thih chuan thuk takah uluk takin phum ang che.
7)Ran leithar chu ran vulh lai nen dahfin nghal mai lovin ni 30 tal dah hrang ang che. Ran hrilen lohna hmun (area) atang chauh in ran vulh tur hrisel lei thin ang che.
8)Ran vulhna hmun chu midangte tlawh pawh tir mai mai loh tur (ran hrilen lai phei chuan)
Post a Comment