YMA rorelna sang ber dawttu, Central Coordination Committee (CCC) chu nimin khan CYMA president Vanlal­ruata kaihhruaiin CYMA Hall-ah an ṭhukhawm a; YMA General Conference vawi 71-na thurel bawhzui dan an thlirlet.
Chakma Autonomous Distrcit Council (CADC) hi dan anga ṭhiah a nih theih nan

CYMA general sec­retary Lalhmachuana tar­lan danin, YMA Gene­ral Conference thurel, 'Dan lo anga din Chakma Autonomous Distrcit Council (CADC) hi dan anga ṭhiah a nih theih nan Central YMA-in hma la rawh se' tih chu bawhzui zel a ni a; February 9, 2018-ah CYMA huaihawtin Consualtation Meeting on CADC buatsaih niin, mithiam bikte sawm an nih bakah, CYMA office bearer, CEC member leh sub-headquarters hruaitute an tel.

Central YMA hnuaia ruihhlo dotu Supply Reduction Service (SRS) din chhunzawm a ni a, ruihhlo vai hna an thawk mek a ni. SRS bathch 6-nate chuan heroin hawng 73, can 395 leh chhinsen 47; Alprozelum mum 1,326; ganja kg. 12 leh fûn 103; khuh damdawi bûr 83; trama strip 10 an man tawh. Ruihhlo an mante hi Rs. 56,86,975 hû a ni. -Vanglaini

Post a Comment

Powered by Blogger.