Swachh Bharat Mission (Urban) hnuaia kum tina neih thin Swachh Survekshan-ah hian kumin hian khawpui 4203 an inel a, Swachh Survekshan 2018 result hi Union Minister for Housing & Urban Affairs Pu Hardeep Singh Puri chuan nilaini khan a puang a ni.
UD&PA Minister Pu Zodintluanga chuan India ram pum huap khawpui 4303 zet inelnaah Mizoram urban town 23 zinga pakhat Biate a lo lang ve hi hmasawnna ropui tak a ni, a ti a. Minister chuan Central lam atangin khawfai endiktute lo kalin, tehfung mumal tak duan sa nen an teh hnuah lawmman dawng tlaka Biate an thlang hi a lawmawm em em a, Biate hi Mizoram chhunga urban area te faina kawnga inelna kum kaltaa neihah khan khawfai ber lawmman an lo dawng tawh a ni, a ti.
Kum 2018 Swachh Survekshan Competition buatsaihah khawpui 4203 zet inelna-ah hian nikuma pakhatna lo ni tawh Indore chu a pumpuiah pakhatna a ni a, Bhopal-in a dawt a, Chandigarh chu pathumna a ni.-AIR Aizawl
Post a Comment