mizo chanchintharMizoram NGO Co-Ordination Committee chuan New Delhi-ah Election Commission Of India Chief Election Commissioner (CEC) OP Rawat chu hmuin Tripura Camp-a Bru awm te, an mahni duh thu ngei-a awm ten Mizoram chhung-ah bak vote an thlak loh nan Memorandum an thehlut.

NGO Co-ordination Committee leh Chief Election Commissioner-te inkawmnaah hian Mizoram NGO-te'n Bru chungchang an buaipuina a rei tawh thu leh tun bak chu Election Commssion pawh dawr tura kal an tum tawh loh thu te, State pawn a vote an thlak leh chuan nasa taka dodal an tum thu leh State pawna vote an thlak an remtih dawn tawh lo a, Mizoram-a lo lut lo a vote an thlak a nih chuan Mizo tan thil zahthlak a nih tur thu an hrilh a. Bru hruaitute'n an naute chhawmdawlna hmanga an hausak thu leh Motor tha tha an neih thu sawilan chu CEC OP. Rawat chuan mak a tiin a barakhaih hle niin an sawi. He hunah hian anmahni in kum 2014 a ziaka an lo in tiam ang ngeiin Mizoram pawn a Bru- in Vote an thlak loh nana hma la turin Election Commission of India hrilh hriat nghal an ni bawk a ni.

Memorandum an thehluh ah hian Representative of the Peoples Act, 1950 in a phuar angin Tripura Camp-a Bru-te, an mahni duh thu ngeia awm te chu Mizoram chhunga Vote nei leh thlak thei an nih tawh loh thu tarlan a ni. Pu Rawat chuan NGO Coordination Committee thu thlen te chu a ngaipawimawh in, lo ngaihtuah an tum thu a sawi a ni. 

An inkawmna-ah hian Mizoram NGO Co-ordination Commitee atangin Chairman Pu Vanlalruata President CYMA, Finance Secy. Dr. Thanpuii MHIP, Pu L.Ramdinliana Renthlei President MZP leh Pu RB. Lalmalsawma President MSU te an tel a. Chief Election Commissioner hi Election Commissioner Sunil Arora leh official member 4 in an tawiawm a ni. -AIR News Aizawl

Post a comment

Powered by Blogger.