Kummanam Rajasekharan PRISM chuan Governor thar duh lovin, Mizoram a chhuahsan theih nan hmalak an tum tih an sawi.

Vawiin khan hemi chungchangah hian thuchhuah siamin PRISM chuan an hmalakna atan vawiin khan kohhran hrang hrang te, political party te leh pawl hrang hrang te lehkha an pe a, Sakhaw zalenna dotu Mizoram Governor thar Kummanam Rajasekharan do turin an ngen a ni.

Mizoram Kohhran Hruaitute Committee leh Kohhran hrang hrang hruaitu te; Political Party te; pawl hrang hrang hruaitu te; chanchinbumi te leh hnam leh sakhaw hum duhtu zawng zawng an pe tih an sawi a, Governor thar Kummanam Rajasekharan chu India Constitution kalha sakhaw zalenna do tu, Rastriya Swayamsevak Sangh (RSS) mi leh sa, Vishva Hindu Parishad (VHP) leh Hindu Aikya Vedi-ah pawh a ruhkawl leh hrat khawkheng zing ami a ni a, India Constitution pawh zah miah lova sakhaw zalenna rahbeh tumna thu tlangaupui thin mi a ni, an ti.

Puan tawh angin, Governor thar atana nimina lakluh a nih hnuah thuthar thehdarhtute kawmin, Governor thar Kummanam Rajasekharan chuan Mizoram-ah Politics khel turin a rawn lut lo tih a sawi.

Mizoram mipuite chibai bukin, Governor dinhmun, rintlak leh zahawm tak chu dik leh rinawm taka hlenchhuah a tum tih sawiin, Governor dinhmun chu politics piah lam, hnam leh chi inthliarna awm lo, mipuite dinhmun tha leh hmasawnna ruhrel hrang hranga hmasawnna a awm theihnana beitu a nihna angin Mizoram tana theihtawp chhuah a tum thu a sawi a ni. -AIR News Aizawl

Post a comment

Powered by Blogger.