NLUP KUTPUI SERCHHIP 2018NLUP hmanga hlawhtlinna hrang hrangte phochhuah leh zawrhna hun NLUP Fair-cum- Exibition-2018 chu nimib khan Serchhip District tan Serchhip Town Hall-ah neih a ni. Serchhip NLUP Kûtpui hawnna inkhawm hi Chief Minister Pu Lal Thanhawlan a hawng a ni. 
Chief Minister chuan mamawhtute hnenah tanpuina sawrkarin a sem a, mi vanduai fal tlemte tih loh ah chuan a dawngtute zinga mi taima leh rinawm, thahnemngai taka thawktu chuan NLUP an hlawhtlin pui zel a ni, a ti a. NLUP Kûtpui neih a nih theih chhan chu a dawngtute taimakna leh tumruhna avanga hlawhtlinna tichiangtu a nih thu a sawi. NLUP chu a tir atangin sawrkar hnathawk leh sumdawng hausate tan nilovin mirethei, khawsak harsa, pachhia leh hmeithaite tanpuina leh leirem an rah theihna tur atana ruahman a nih thu a sawi a. Kuthnathawktute chawikanna tur lam hawi leh mil zawng hmalakna te chhunzawm zel a nih tur thu a sawi bawk.

He hunah hian Chief Minister Pu Lal Thanhawla chuan Specially Abled zirlai Zosangliani, Thenzawl hnenah kumin HSLC exam a pass lawmpui nan an chhungkaw inchawmna turin CM's Special Scheme hnuaiah Autorickshaw a pe a. Special Scheme hnuaiah hian Serchhip Cluster chhunga mi harsa zual NLUP dawnglo tanpui nan chhungkaw 156 hnenah cheng 20,000 theuh a hlan nghal bawk. Chief Minister hian Serchhip Cluster chhunga Commerce & Industries Department hnuaia NLUP Beneficiary mi 44 hnenah tanpuina 3rd leh 4th Phase a installment hnuhnung ber la hmulo te hnenah cheng sing 9 theuh a sem bawk a ni.

NLUP Kutpuiah hian Line Department hrang hrangten Stall hawngin, Kûtpui pual hian Line Department hrang hrang hnuaia NLUP Beneficiary-te chuan an thil thar leh an thil siamchhuah te man tlawm zawkin an hralhchhuak a ni. I&PR Department chuan stall siam bawkin NLUP hlawhtlinna pholanna Photo Exibition leh Video Show neih a ni bawk a. Cooperation Miniater Pi Vanlalawmpuii Chawngthu pawh a tel a ni. 

Kolasib ah pawh NLUP Kutpui hi nimin khan Kolasib bialtu MLA Pu PC Zoram Sangliana’n Parish hall-ah a hawng a.

Serlui Bialtu MLA Pu K Lalrinthanga leh Tuirial bialtu MLA Pu Hmingdailova Khiangte te pawh an tel a, Pu Hmingdailova chuan Sawrkar flagship Programme NLUP chu tuipui tham ani a ti. 

He hunah hian Trade hrang hranga tanpuina dawng tur te hnenah NLUP tanpuina 3rd and 4th phase sem a ni a, Venglai Bazar shed ah Line Department hrang hrang hnuaia hmalakna te phochhuah niin Kolasib Mipuiten an hlut hle a thil dehchhuah thenkhat te chu hun reilote chhungin hralh zawh nghal vek a ni tih sorkar thuchhuahah tarlan a ni. -DIPR 

Post a comment

Powered by Blogger.