Chakawk hi kan ramah a tam a, chawhmeh tui tak a ni bawk a. Chawhmeh tui tak a nih bâkah taksa tana ţhatna a nei nual bawk a. Taksa tana chakawk ţhatna tlem han tarlang ila.
Post tawh angin chakawk leh katchat hi a inang hle a. A pahnih hian Fern ang chi a ni ve ve a: nimahsela, a thil pai a inang lo va, taksa tana a ţhatna pawh a inang lo a ni. Chakawk hi chu kan ei nasa a, katchat hi chu kan ei lêm lo a ni.
- Chakawk hian taksa mamawh vitamins leh minerals a pai tam hle mai a.
- Chakawk hian taksa venghim thei flavonoids, polyphenol, alkaloids, terpenoids leh saponins a pai bawk a.
- Chakawk hian natna hrik leh pâ ang chi natna hrik, fungus do lêt theihna a nei a.
- Chakawk hian taksaa natna do lêttu khawl, immune system a tichak thei a.
- Ruh hriselna atan chakawk a ţha a.
- Chakawk hi rulhlut thahna hlo atan an hmang ţhin a.
- Chakawk hian taksa nâ leh vûng a tiziaawm thei a.
- A hnah no chhum hi êk khal tan a ţha a, chaw pai ţawih a pui bawk a.
- Chakawk ei nasat hian mipa chi a titlem theia hriat a ni a. Chuvangin, ei chintâwk hriat a ţha ang a.
- Chakawk ang chi hi fern tih a ni a, katchat nen te pawh hian a inang deuh va.
- Chakawk hi mihring tan a hima hriat a ni a. Nimahsela, chakawk ang chi hi ramhnuaia ţo a awm a. He'ngte hian tûr chi khat, ptalquiloside a pai fo va, taksa tan a him lo thei a.
- Chakawk hi chuan mihring tana hlauhawm tham tûr a pai hriat a ni lo a ni.
HRISELNA, MI TIN TAN
(Gilead Thinghnai)
Post a Comment