Mizo Tualchhuak Damdawi (Mizo indigenous Medicines)


A KAMKEUNA:
DR. DAVID L. SIAMTHARA PAKHUANGTEMizo Tualchhuak Damdawi (Mizo indigenous Medicines) sawi rik chang apiangin Pute R. Rozika (L); C. Chawngkunga; RC Thanga; Lalhmingliana etc. rilruah an lo lang thin angin Dr. David L. Siamthara Pakhuangte hi hemi kawnga Pathianin thiamna a pek ropuizia hi theihnghilh theih rual a ni lo.

KHAWI LAM MI NGE? 
A pa hi K. Chungnunga a ni a, Khawlian khawchhuak an ni. Dr. David hi 15/07/1968 khan a lo piang a, naupang zakzum, mi ngawichawi, mi pawisawi hlau tak, inthlahrung mi, nu leh pa leh aia upate thu awih mi leh zakzum tak a ni.

Ama sawi dan takah lehkha hi chhete eih mah a zir lova. Educationist tawngkam chuan 'illiterate person' (ziak leh chhiar thiam lo) a ni. Mahse, Adult Education lam hmalakpui ngai lovin Pathianin thiamna a pe a; lehkha zir hauh lovin ziak leh chhiar a thiam em em lawi si a ni.


RAMHNIM DAMDAWI A HMELHRIAT DAN:
Kum 1987 atang khan Ramhnim Damdawi atchilhin mi ang lo hiala ngaih theihin a awm a.

Kum 1992 atang khan ring herh leh thana zutdam leh ruhtliak siamrem thiamna Pathianin talent rooui tak a pe tan a; ruhkau tuamzawmna, thaduar tet/chat tuamhnana inzawmlehna Ramhnim Damdawi hriatna a nei chho zel a, tichuan, Kum 2006-ah natna chihrang hrang hriat theihna a pek belh a. Tangkai taka a hman chhun zawm theih nan damdawi chawh tur hriat theihna kum 2007 atang khan Pathianin a pek belh chhah leh ta zel a; zanlai dar 12:00 leh zing dar 3:00 inkar apiangin zel anga awmin Pathianin ramhnim damdawi tha hriat theihna a pe thin a ni.

Tichuan, zanah pawh ni se thuawih takin ramngaw hnuaiah Ramhnim Damdawi tha, zel anga a awm laia a hmuh lawk thinte chu hmuh tumin a feh chhuak thin a, a hmuh lawk ang ngeiin a lo awm zel thin a ni. Natna atana a hmanna zawi zawiin Pathianin A hriatir chho zel a. Beidawng lova a chhunzawm tang tang avangin Kum 2011 atang Khan LPS vision chuan Zoram pum hriatah a talent phochhuahsakin interview-na a nei a. Zoram mipuiin an tangkaipui hle.

Tichuan, May 17-24, 2011 khan Department of Environmental Science, MZU; NEIFM Pashigat Arunachal & FRIHT Bengaluru-te tangkawpin an buatsaih Training-ah telin a damdawi siamte a entir nghal bawk.

Feb. 5-6, 2014 khan RIPANS-in a buatsaih International Conference-cum-Exhibition on Drugs & Development from Natural Resouces Berawtlanga neihah tel tura sawm a nih angin a tel.

Nov. 15-19, 2016 khan Tata Steel-in a buatsaih Tribal Health System-Samvad Seminer, Jharkhan-ah a tel a hetah hian free clinic neih nghal a ni.

Jan. 12, 2017 khan IBAM-in a buatsaih 28th International Conference Convocation & Award Preentation Ceremony-ah tel tura sawm a nih angin a tel a; hemi tum hian a damdawi siam chihrang hrang chu MBAM President-in mi pui hmaah a phochhuahsak a, mipuiin an hlut hle.

Kum 2017 khan DDK-ah mithiamte nen Ramhnim Damdawi chungchanga titihona 'live programme' hmanhonaah a tel bawk.


A TAWN HRIAT
Ramhnim
Damdawi
Chihrang 1400 a hria a, a taka a siamchhuah chu chi 20 chuang a ni a, heng zinga Chi 5 te hi AYUSH LAB test paltlang tawh a ni a; a bak hi Lab khawl a chhiat avangin test chhunzawm theih a ni rih lovakhawl that veleh test chhunzawmleh tura tih a ni.

KAILAWN THAR:
Dr. David hian Ramhnim Damdawi chihrang a hriat hnem em avang leh damna lamtluang a zawhna lamah Zoram mipui tana a thawh hlawk em avangin National Board of Alternative Medicines (NBAM) chuan amah chawimawi nan leh Alternative System of Medicines Mipui tana tangkai taka a hman chhunzawm zel theih nan thla hmasa February 2018 khan Daktor nihna leh RMP (AM) Certificate a rawn hlan ve ta a ni.


A TLANGKAWMA:
Hetianga mi hlawhtling leh entawn tlak, lehkha thiam si lo Pathianin Zofate chhawr tangkai theih tur min pe hi alawmawm takzet a ni.

A damdawi siam zinga BR Mix syrup phei hi chu tinreng damdawi (all in one or multipurpose/emergency) atan a tha em em a, ama sawi danin cancer vei mi 7 vel laiin an thatpui tawh a ni.

Hetiang mi bik hi Zofate zingah an awm nual a; kan Sorkar hian an talent dawn hi duh angin a pho chhuahsak tha tawk lo deuh em ni a tih theih awm e. Sorkarin hma lakpui tak tak se'ng chuan Pr. Saihkhuma inlarnaa lo lang- Zoram hmul damdawi chihrang hrangte hi khawvel hmun dang atangin dam nan an rawn hmang tangkai ngei dawn niin a ngaih theih. I lo thlir chho zel teh ang u.~ Pana Chhanngte Pana Chhanngte

Post a comment

Powered by Blogger.