![THIAK KHUA PANNA KAWNG SIAM THAR HAWNG THIAK KHUA PANNA KAWNG SIAM THAR HAWNG](https://blogger.googleusercontent.com/img/b/R29vZ2xl/AVvXsEh4IxsWmVK1g_XTHom55KQsm8rPp9UXUEWy4bMbH9W9AudfhgGnzykJykg5kv2jVFiTxcFYTDLT2sKSBn-hQ1hZO8CIs50u6QGYBR772mWIAEWOKT1tUUzavH_By_vt_Pcu_zIORxs-0AFJ/s320/25396219_1498784126856427_4218878840113153446_n.jpg)
Minister Pu K.S.Thanga chuan taimakna leh rinawmna nen a hna thawh chuan hlawhtlinna a awm thin, a ti a, Thiak kawng siam hna thawhna kawngah Contractor, PWD hnathawkte leh Khawtlang mipuite tanrualna leh inpekna avangin he kawng thar hi a hun takah thataka peihfel a ni, a ti. Pu K.S.Thanga chuan neitu nihna pu chunga kawng thar chu enkawl turin a chah a, Thiak khawtlang tana hmasawnna a nih ngeina turin leh tangkai taka an hman atan duhsakna a hlan nghal bawk.
Kawng hawnna Inkhawm hi Thiak Community Hall ah hman a ni a, Er.R.Zirsangliana, E.E PWD Hmuifang Division hnen atangin Technical report ngaihthlak niin Thiak VCP leh NGO hrang hrangten lawmthu sawina hun an hmanga, zaithiam zaite ngaihthlak a ni bawk.
Thiak panna kawng siam thar hi Km 2.630 a thui niin Cell Filled Concrete a siam a ni a, RCC Hume pipe culvert 5 awm in kawng tluan hian Unlined Side Drain siam a ni bawk a ni. Kawng hi December 24, 2017 a siam tan niin March 27, 2018 ah zawh fel a ni a, cheng Nuai 202.88 senga siam a ni.-AIR News Aizawl
Post a Comment