Food Civil Supplies & Consumer Affairs Minister Pu John Rotluangliana chuan nimin khan Borkhola LPG Bottling Plant a tlawh a.

George Lalngaisang khozolBorkhola LPG Bottling plant hotute kawmin tunhnaia Mizoram in LPG Supply a dawn tlem nachhan a zawh chuan Borkhola Bottling Plant a Senior Plant Manager Pu Lal Ngaisang Khozol chuan Gas thunkhah na khawl (carouser) an siam belh vang niin a chhang a. He khawl siambelh a nih lai hian chetsualna leh intipalh awm thei laka in ven nan carouser hmanlai chu chawlh tir a ngai thin a, hei hian nikhat a an gas thun khah thin ang pangai chu thun khat hman lovin LPG supply a tih tlem phah thu a tarlang a. Carouser siam belh a nih chhung hian kalphung pangaia nikhata Gas bur an thun khah thin Truck trip 50 vel chu a zahve ah a tlakhniam phah a, truck trip 25 vel chauh an thunkhat hman thin a hemi avang hian LPG Supply chu tun hnaiah a tlakhniam phah thu a sawi bawk.

Pu John Rotluangliana chuan Mizoram ina LPG Supply nikhata a dawn zat chu tipung tura hrilhin Mizoram tan nikhatah Truck Trip 12 atanga 15 inkar tal supply tura a ngenna chu Pu Lal Ngaisang khozol chuan an tihhlawhtlin tur thu a sawi a, hemi bakah hian Carouser an siam belh chu June thla atanga hman tan theih a nih tur thu tarlangin Carouser 2 hman a nih hnu chuan nikhatah Truck Trip 100 vel Gas an thunkhah hman tur thu sawiin hei hian LPG Supply a harsatna awm thin chu a ti zia awm viau dawn niin a sawi bawk.

Supply Minister chuan Mizoram puma LPG Supply a harsatna awm thin chu sutkian a nih theih nan District hrang hrang a Gas Agency te chu Borkhola Bottling Plant atanga khaihlak awmloa pekchhuah an nih theih nan hma la tura hrilh bawkin, Sr Plant Manager chuan hemi chungchang pawh hi a tahtawlin hmalak dan an ngaituah chhoh zel tur thu in a chhang bawk ani.

Hemi bakah hian Transport Minister ni bawk chuan Sonai Road a Mizoram Transport Department ram a tlawh a, helai hmuna hmalak tumna te chu enfiah in Transport Department hotute a sawipui am Pu John Rotluangliana chuan Silchar Mizoram House Dy.Resident Commissioner Pi Saizikpuii leh Silchar Branch YMA hruaitute chu a thlenna Mizoram House ah a kawm bawk a, DRC leh Branch YMA hruaitute chuan Silchar a Mizo chengte ina harsatna leh mamawh hrang hrang an neih te an thlen a, heng zingah hian khualzin te tana a awlsam zawk nan MST Bus chu Mission compound atanga chhuah tir, Silchar Zofa te Inpui ‘Mizoram House’ compound cheibawl, Staff Quarters’ sak that leh Silchar a Mizo Damlo in entir/enkawl bakah harsatna tawkte buapui dan chungchang te an sawiho a, Minister chuan a theihna zawna tanpui a inhuam reng thu sawiin Silchar Branch YMA te’n an mamawh na a an hman turin tanpuina sumfai a hlan bawk a ni.-AIR News Aizawl

Post a comment

Powered by Blogger.