CHIEF MINISTER-IN A TIH LOH TUR A TI
(India Constitution zahlohna leh palzutna a ni)
Dt 24.5.2018-a Mizoram tlawha lo zin India Vice President Venkaiah Naidu, lo dawngsawng loa Programme dang siama Lungleia a zin bo daih mai hi MNF chuan mak a ti a. Mizoram tana hmasawnna tur leh thu pawimawh tak tak lo sawipui tur a nih lai a, Programme dang siama a zin bo thin hian Zoram hmasawnna a ngaih pawimawh lohzia a tilang chiang hle. Constitutional head India President dawttu Vice President lo zin tur hi hun e'ngemaw chen atanga hriatlawka inruahmanna pawh peihfel sa vek a ni chunga a zin san duh hi India Constitution zahlohna leh palzutnaah MNF chuan a ngai a ni.
Pu Lalthanhawla hi Chief Minister a nihnaa a telna awm tak programme pawimawh zin san hi a ching hle a. India leh MNF-in inrem avang a, Mizo Hnam Sipaite Aizawl an lo luh ni khan mipui zawng zawngin kan lo hmuak a,Chief Minister ber chu lo awm ngei tur a nih laiin, khami ni khan programme insiam chawpin an nupain Champhaiah an zin daih tawh bawk a. Kha pawh kha Mizoram mipui zahlohna leh engah mah ngaih lohna a ni.
Hetianga Chief Minister a nih laia Pu Lalthanhawla'n thil thalo tak tih a ching thin hi tun hnuah chuan ti leh ngai tawh lo se tih hi MNF duh dan a ni. Vice President-in Mizoram a rawn tlawh ni taka Chief Minister Pu Lalthanhawla'n programme dang siama a zin bosan hi a tih loh tur a ti a, mipui zahlohna leh India Constitution zahlohna leh palzutna a ni
(LALTHANZUALA HNAMTE)
Secretary
Media & Publicity Dept
Mizo National Front
Memo No.MNF/Media/2018/01/232
Dt.25.05.2018.
Post a Comment