Mizoram Governor  thar Mizoram Governor atan Kerala state-a BJP president Kummanam Rajasekharan (65) chu May 25, Zirtawpni zan khan thlan a ni. Governor ni lai Lt.Gen. Nirbhaya Sharma term chu vawiin, May 28 hian a tawp dawn nia thu dawn a ni.

Kummanam Rajase­kharan hi December 23, 1952-ah Kottayam district-a Kummanam-ah a piang a, CMS College Kottayam aá¹­angin B.Sc. (Botany) a zo a, a hnuah Postgraduate Diploma in Journalism a zo leh bawk. Chanchinbu lamah lutin, kum 1974-ah Deepika chanchinbuah sub-editor a ni a, a hnu­ah Rastravaartha, Kerala Desam, Kerala Bhooshanam leh Kerala Dwani leh a ni.

Kum 1976-ah Food Corporation of India (FCI)-ah a thawk a, kum 1979-ah Vishva Hindu Parishad (VHP)-ah Kottayam district secretary niin, kum 1981-ah Kerala-a VHP joint secretary a ni.

Kum 1987-ah FCI-a a hna aá¹­angin a báng a, Rashtriya Swayamsevak Sangh (RSS)-ah  inhmang zuiin, Sangh Parivar-ah hun pumin a inhmang nghal bawk a; Hindu pawl hrang hrangah a inhmang bawk.

Kummanam Rajase­kharan hi December 18, 2015 aá¹­angin Kerala state BJP president a ni a, BJP president a nih mek laiin, May 25, 2018 khan Mizoram Governor atan ruat a ni ta a ni.

Mizoram Governor atana ruat Kummanam Rajasekharan hi PRISM party chuan an duh loh thu, thuchhuah siamin an puang nghal a; "RSS mi leh sa, VHP leh Hindu Aikya Vedi-ah pawh a sûlsutu zinga ṭang pha a nih avangin, kan rama awmah inhmeh kan ti lo a. Politic-a inhmang lai a nih avangin, leh election kan hmachhawn mai dawn avangin ṭha kan ti lo a ni," an ti. - Vanglaini

Post a Comment

Powered by Blogger.