MCI-in MIMER a pawmpui ta August 2018-ah class á¹­an a ni dawn

Chief minister Lal Thanhawla chuan, State Referral Hospital behchhana Mizoram sorkarin medical college, Mizoram Institute of Medical Education and Research (MIMER) din a tum chu Medical Council of India (MCI)-in a pawmpui tih a puang. Health minister Lal Thanzara chuan, MIMER-ah kumin August thlaah class á¹­an a nih tur thu a sawi bawk.

Nimina Congress Bhavan-a inkhawmah CM Lal Thanhawla'n thu sawiin, MCI-in MIMER din a phalsak tâk thu hi a puang a, "Nimin (May 3) khan MCI-in MIMER din remtihna Ministry of Health and Family Welfare-ah a thehlut a, Health Ministry-in phalna vawiinah (May 4) a pek chhuah hman beisei a ni," a ti.

Lal Thanhawla chuan, Falkawnah medical college din a ni ngei dawn tih sawiin, "Medical college á¹­ha tak din kan tum mek a, khawvela khaw á¹­ha ber ber hmanga thuam mek a ni," a ti a; medical college din a nih theih nan sorkar hotute'n theihtawp an chhuah tih a sawi.

MCI-in MIMER din a phalsak tâk chungchangah hian Vanglaini palai zawhna chhangin Health minister Lal Thanzara chuan, MCI-in phalna a pak tâk chu Letter of Permission tih a nih thu a sawi a, "Tun thla chhungin Health Ministry-in approval letter a tihchhuah beisei a ni a, August thlaah zirna ṭan nghal a ni ang," a ti.

Health Minister chuan, medical college din tumin theihtawp an chhuah tih sawiin, MCI-in vawi eng emaw zat an endik hnuah pawh MCI an paltlang thei lo a, sorkar hotute leh health department hotute'n theihtawp an chhuah hnua MCI-in a pawmpui ta chu lawmawm a tih thu leh, Mizoram tan méllung pawimawh tak a nih thu a sawi a ni.-Vanglaini


Post a Comment

Powered by Blogger.