Mission Vengthlang Branch YMA chuan an veng mi leh sa India rama civil mite chawimawina sang, Padma Shri dawngtu mi pathum, chatuan ram pan tawhte hriatrengna lungphun, May 19, Inrinni khan an phun a; Central YMA president Vanlalruata'n a hawng.

Padma Shri chawi­mawina dawng tawhtwe hriatrengna lungphun hi Mission Vengthlang Dàwrkàwnah phun a ni a; lungphunah chuan Padma Shri chawimawina dawngtu mi pathum - Khawlkungi, Rev.Dr Lal-sawma leh C Rokhuma te thlalak leh an chanchin tâwi tarlan a ni.


Khawlkungi hian kum 1987-ah literature huang­ah Padma Shri a dawng a; amah hi Septem­ber 14, 1927-a piang niin, March 26, 2015-ah a thi.

C Rokhuma hian vantlang tana thawh ṭhat vangin social works huangah kum 1992-ah Padma Shri a dawng a; amah hi July 21, 1917-a piang niin, November 23, 2016-ah a thi.

Rev.Dr Lalsawma pawh social works huanga dawng tho niin, kum 2005-ah a dawng a; amah hi June 28, 1930-a piang, February 9, 2017-a thi a ni.-Vanglaini

Post a comment

Powered by Blogger.