MSU MUALCHENG 'S' BRANCH TEN ZIRLAI TIÈšHATE CHAWIMAWINA cum MOTIVATION CAMPAIGN HUN AN HMANG
ZIRLAI CHAWIMAWINA HUN A HMANG

"Ram leh hnam tan Kohhran, Sorkar leh NGO te inrem taka a kal ho a țul" - Pu R Lalnunthara Former President, YMA Sub-Hqrs., Lunglei.

"Zirna hi ram leh hnam humhalhna tura hmanraw țha ber a ni" - Biaksiamtluanga President, MSU Regional Headquarters, Lunglei.

MSU Mualcheng 'S' Branch chuan dt.21.5.2018 khan an Veng YMA Hall-ah kumina HSLC leh HSSLC result tihchhuah taka an veng atanga pass te chawimawina hun an hmang a. He hun hi MSU Mualcheng 'S' Branch President Laithangpuia chuan a kaihruai a, Pu R Lalnunthara Former President, Sub-Hqrs, YMA Lunglei chu khuallian niin, Biaksiamtluanga President, MSU Regional Headquarters, Lunglei chu uaptu a ni.


Khuallian Pu R Lalnunthara Former President, YMA Sub-Hqrs., Lunglei chuan thusawiin, Ram leh hnam tan NGO zawna kan tih theih ang ang tiin hma kan lo la tawh a, chutiangin Sorkar leh Kohhran pawhin ram leh hnam tan hma ala mek a. Heng lungthu pathum kohhran, sorkar leh NGO te hi a kalkawp lo a nih chuan kan ram leh hnam hma hun hi a thim zawngin a kal thei a, heng lungthu pathumte hi inrem taka a kal a ngai fo a ni, a ti.

Kan khua leh veng dinhmun chawikanga, hmasawn tur chuan zirna kan ngaihpawimawh hi a tul hle a. Chhim lamin zirna kawngah tunhmain hma kan hruai thin a, tuna kan dinhmun erawh a duhawm loh hle a, zirna kawnga hmahruaitu ni leh turin tan kan lak thar a ngai a ni, a ti a. Eng kawng pawh zawhin, a chhe lai siamthatu ni a, midangte tana malsawmna nih zel tum turin kalkhawmte a chah bawk a ni.

Uaptu MSU Lunglei President Biaksiamtluanga chuan, MSU in kumin hi 'Zirna Uar Kum' ah kan puang a, a chhan chu zirna hi ram leh hnam humhalhna tura hmanraw tha ber a nih vang a ni, a ti. Zir thiamna duhin mi tamtakin thingtlang atangin khawpui an pan a, khawpui mite tih ang zawng zawng leh nunphung anga khawsak vek tum zirlaite chuan nunphung pangngai an hloh fo thu sawiin, midangte nun entawn reng renga nun hmang buai lo turin zirlai kalkhawmte a chah a.

A sawi zelnaah, Social Media chu a tangkai thei ang bera hmanga, kan zirna min puitu atana hmang turin zirlaite a chah a. Mizoram chhunga sorkar hna pawimawh tak takah hnam dangin dinhmun pawimawh an chelh zel chu a vei thu sawiin, hetiang renga kan kal a nih chuan Mizote hian ral kan hmabak a ni, a ti bawk.


Mualcheng 'S' YMA, VC leh Zirtirtute hnen atangin thusawi ngaihthlak a ni a. MSU Mualcheng 'S' Branch te hian HSLC pass thar mi 15, HSSLC pass thar mi 7 leh Inter Dist. High School & Higher Secondary School Boxing Championship 2018 a Gold leh Silver late an chawimawi tel bawk a ni.

MSU Regional Headquarters, Lunglei aÈ›ang hian uaptu bakah Vice President R Lalhlimpuia, Treasurer Johan PC Lalruatdika leh Secretary rualte an kal a ni. ~ Mamawia Langel

Post a Comment

Powered by Blogger.