April ni 2-a Mizoram sorkar leh HPC (D) te’n Aizawla inremna thuthlung an ziah zul zui a dan siam tur Sinlung Hills Council bill, 2018 chu June thla chhung ngei a Assembly pawmpui tura chhawp chhuah tum a ni.

SINLUNG HILLS COUNCIL BILL 2018Home department hotute hnen atanga thudawn danin Sinlung Hills Council bill hi Law and Judicial department kutah awmin tun May thla chhung ngei hian Council of Ministers thukhawm pawmpui tura chhawp chhuah hman tum a ni a. June thla chhung hian Assembly special session kohva, chutah chuan pawmpui tura putluh ngei tum a ni. He dan hmang hian tuna awm mek Sinlung Hills Development Council chu Sinlung Hills Council ti a thlakin politics leh sum leh pai lama thuneihna sang zawk pek tura ruahman a ni. Puan tawh angin sorkar leh HPC (D) inremna avang hian HPC (D) hel 100 chuang chu nun phung pangngai zawh tura ramhnuai a\anga lo chhuakin an ralthuamte an tung a nih kha.

SHDC a hruaitu awm laite hun hi tun thla May ni 31 hian a tawp dawn a, chuvangin SHC din a nih tirhah hian sorkar lailawk (interim council) din a ni dawn a. Chu sorkar lailawk kengtu tur member 14 te ruat tura ruahmanna siam mek a ni a. June thla chhung ngei a member-te hi ruat fel hman tum a ni a. Thla ruk hnu-ah chuan inthlanna neih tawh tura ruahman a ni.-AIR News Aizawl

Post a comment

Powered by Blogger.